ខេត្ដរតនគិរី៖ ស្ដ្រីម្នាក់បានសម្រាល កូនលើបង់ដោយខ្លួនឯងខណៈអ្នកភូមិនាំ គ្នាដឹងស្ដ្រីខាងលើនេះទៅដល់មណ្ឌល សុខភាពកាចាញ ក្រុងបានលុង ខេត្ដរតនគិរី តែពុំមានគ្រូពេទ្យណាម្នាក់នៅ ប្រចាំការ ។ ករណីស្ដ្រីឈឺពោះសម្រាល កូនដោយខ្លួនឯងនៅលើបង់មុខមណ្ឌល សុខភាពកាចាញនេះបានកើងឡើងកាល ពីវេលាម៉ោង៥ព្រឹកថ្ងៃទី២៩ ខែវិច្ឆិកា ឆ្នាំ២០១៥ ស្ថិតនៅមណ្ឌលសុខភាព កាចាញ សង្កាត់កាចាញ ក្រុងបានលុង ខេត្ដរតនគិរី ។
អ្នកភូមិបានឱ្យដឹងថា ស្ដ្រីដែលឆ្លង ទន្លេដោយគ្មានគ្រូពេទ្យខាងលើនេះឈ្មោះ វ៉ាត់ វ៉ាត់ អាយុ២៨ឆ្នាំ ជនជាតិខ្មែរ មាន ទីលំនៅភូមិ១ សង្កាត់កាចាញ ក្រុងបាន លុង មានប្ដីឈ្មោះ ណែត រិទ្ធ អាយុ២៨ ឆ្នាំ ជាកម្មករជាជ័រកៅស៊ូ នៅឯស្រុកបរ កែវ ។
ស្ដ្រីឆ្លងទន្លេឈ្មោះ វ៉ាត់ វ៉ាត បានឱ្យ ដឹងថា កូនដែលកើតមកនេះជាកូនស្រី ហើយជាកូនទី៣ ។ ស្ដ្រីដែលឆ្លងទន្លេ ដោយខ្លួនឯងបានបន្ដថា ពេលដែលគាត់ ឈឺពោះប្ដីរបស់គាត់មិននៅផ្ទះតែ សំណាងល្អបានអ្នកជិតខាងជួយដឹកបញ្ជូន មកមណ្ឌលសុខភាពកាចាញដោយពុំ មានគ្រូពេទ្យប្រចាំការនោះទេខណៈនោះគាត់សម្រាលកូនដោយខ្លួនឯង ។
លោក ទន់ ពៅ ចៅសង្កាត់កាចាញ បានប្រាប់ឱ្យដឹងថា បញ្ហានេះជារឿងចៃ ដន្យពីព្រោះស្ដ្រីរូបនោះទៅដល់មណ្ឌលសុខភាពភ្លាមក៏សម្រាលកូនភ្លាម។ បញ្ហានេះកាលពីកន្លងទៅធ្លាប់មានម្ដង រួចមកហើយលោកក៏បានហៅប្រធាន មណ្ឌលសុខភាពមកណែនាំផងដែរ។ លោកបញ្ជាក់ថានៅមណ្ឌលសុភាព កាចាញមានបុគ្គលិកតិចពុំមានគ្រូពេទ្យប្រចាំការគ្រប់គ្រាន់ដើម្បីបំរើសេវាជូនអ្នកជំងឺក៏ដូចជាអ្នកឆ្លងទន្លេទេ ។
ប្រជាពលរដ្ឋដែលមកសមាក្រព្យា បាលនៅមណ្ឌលសុខភាពខាងលើនេះ តែងតែរិៈគន់ក្រុមគ្រូពេទ្យប្រចាំការថា ខ្វះសិលធម៌មានអាកប្បកិរិយារើសអើង មិនយកចិត្ដទុកដាក់នឹងអ្នកជំងឺទេហើយ បើអ្នកជំងឺណាមានលុយគ្រូពេទ្យយកចិត្ដទុកដាក់បន្ដិច ។
ជុំវិញការរិះគន់និងស្ដ្រីឈឺពោះសម្រាលកូនដោយគ្មានគ្រូពេទ្យប្រចាំការនេះអ្នក យកព័ត៌មាននគរវត្ដមិនរកការពន្យល់ពី ប្រធានមណ្ឌលសុខភាពកាចាញបានទេ នៅរសៀលថ្ងៃទី១ ខែធ្នូ ស្រប់ពេលដែល ប្រជាពលរដ្ឋលើកឡើងថាមន្ទីរសុខា ភិបាលត្រូវតែផ្លាស់ប្ដូរប្រធានមណ្ឌលសុខភាពកាចាញនេះចេញ បើមិនដូច្នេះ ទេនៅថ្ងៃខាងមុខប្រាកដជាមានស្ដ្រីឈី ពោះសម្រាលកូនណាម្នាក់បាត់បង់ជីវិត ព្រោះតែគ្មានគ្រូពេទ្យ ។ ម្យ៉ាងវិញទៀត កុំឱ្យមានរឿងដដែលកើតមាននៅមណ្ឌលសុខភាពកាចាញមួយនេះ ៕
ដោយ៖ អ៊ុច សាវុទ្ធ
