នៅក្នុងវិស័យអាវកាស ប៉ុន្មានឆ្នាំចុងក្រោយនេះចិនទទួលបានជោគជ័យយ៉ាងខ្លាំង ដែលអាចប្រកួតប្រជែងនឹងអាមេរិក រុស្ស៊ី ។ មិនតែប៉ុណ្ណោះ ចិនបានបង្កើតស្ថានីយ៍អាវកាសដោយខ្លួនឯងទៀតផង ។
អ្វីដែលគួរឲ្យចាប់អារម្មណ៍នោះ ប្រព័ន្ធ រ៉ុក្កែតរបស់ចិន ក្នុងការបញ្ជូន យានអាវកាស ក៏ដូចជាផ្ការណបផ្សេងៗ ទទួលបានជោគជ័យស្ទើតែ១០០ភាគរយ ។ ទាំងនោះហើយបានធ្វើឲ្យប្រទេស ជាច្រើន មានទំនុកចិត្ត នៅក្នុងការប្រើប្រាស់ រ៉ុក្តែតរបស់ចិន ដើម្បីបញ្ជូនផ្កាយរណបឡើងទៅកាន់តារាវិថីផែនដី ។
ជាក់ស្តែងនៅពេលនេះចិនបានបញ្ជូនផ្កាយរណបអារ៉ាប់ប៊ីសាអ៊ូឌីតចំនួន២គ្រឿង ដោយជោគជ័យនៅវេលាម៉ោង១២និង១២នាទី ថ្ងៃទី៧ ខែធ្នូ ឆ្នាំ២០១៨ ដោយប្រើប្រាស់ រ៉ុក្កែតរ៉ុញប្រភេទ March-2D ដើម្បីនាំយកផ្កាយរណបឡើងទៅកាន់អវកាសប្រកបដោយជោគជ័យ ។
ការបាញ់រ៉ុក្កែតនាំយកផ្កាយរណបទៅកាន់អវកាសខាងលើនេះធ្វើឡើងនៅស្ថានីយបាញ់បង្ហោះ Jiqueqan ភាគពាយ័ព្យប្រទេសចិន ។ តាមសារព័ត៌មាន ស៊ីនហ៊ួរបានផ្សាយថា៖ ផ្កាយរណបនីមួយៗមានទម្ងន់៤២៥គីឡូក្រាម ដែលអារ៉ាប់ប៊ីសាអ៊ូឌីតបានផលិតឡើងរយៈពេល៥ឆ្នាំ ។ វាមានតួនាទីចាប់យករូបភាពពីផែនដី ។
គ្រាប់រ៉ុក្កែតនេះផងដែរបានបញ្ជូនផ្កាយរណបធុនតូច១០គ្រឿងផងដែរ ។ នៅពេលនេះ ផ្កាយរណបទាំងនោះបានចូលទៅក្នុងគន្លងរបស់វាហើយ ។ នេះជាលើកទី២៩៣ហើយ នៃបេសកម្មប្រើដោយរ៉ុក្កែត Long March របស់ចិន ៕
ដោយ៖ មែវ សាធី
