ខេត្ដសៀមរាប៖ ប្រជាពលរដ្ឋជា ច្រើនគ្រួសាររស់នៅតាមបណ្ដោយផ្លូវ ក្រួសក្រហម ក្នុងឃុំខ្វាវ ស្រុកជីក្រែង ខេត្ដសៀមរាបកំពុងប្រឈមនឹងផល ប៉ះពាល់សុខភាព ព្រមទាំងសុវត្ថិភាព នៃការធ្វើដំណើរដោយសារតែជារៀង រាល់ថ្ងៃផ្លូវដែលស្ថិតនៅក្នុងភូមិសាស្ដ្រ នេះមានសភាពហុយខ្លាំងណាស់ ។
ប្រភពពីប្រជាពលរដ្ឋដែលរស់នៅ ក្នុងមូលដ្ឋានបានឱ្យដឹងថា បញ្ហានេះ បានកើតមានឡើងតាំងតែពីឆ្នាំមុនមក ម្ល៉េះ គឺចាប់តាំងពីមានក្រុមហ៊ុនចិនបាន ប្រើរថយន្ដធំៗបើកបរចូលទៅដឹកជញ្ជូនថ្មភ្នំចេញពីក្បែរតំបន់ដែលពួកគាត់រស់ នៅ ។ ហេតុនេះពួកគាត់បានអំពាវនាវ ឱ្យមន្ដ្រីជំនាញ និងអាជ្ញាធរពាក់ព័ន្ធជួយ ធ្វើអន្ដរាគមន៍ទៅលើក្រុមហ៊ុនចិនដែលកំពុងប្រើរថយន្ដធំៗជាច្រើនគ្រឿងបើកបរដឹកថ្មជារៀងរាល់ថ្ងៃដោយធ្វើយ៉ាង ណាកុំឱ្យដីហុយខ្លាំងតទៅទៀត ។ បើពុំនោះ ទេពួកគេនឹងតវ៉ាបិទផ្លូវនេះនៅពេលណាមួយជាមិនខាន ។
លោក ឡុង យាន ជាប្រជាពលរដ្ឋម្នាក់ រស់នៅក្នុងឃុំខ្វាវបានឱ្យដឹងកាលពីព្រឹក ថ្ងៃអង្គារទី១ ខែធ្នូថា ក្រុមហ៊ុនចិន ដែល ប្រើរថយន្ដធំៗដឹកថ្មបានធ្វើឱ្យដីហុយ រំខានដល់ការរស់នៅរបស់លោក និង អ្នកភូមិជាច្រើនទៀត ។ លោកថាបច្ចុប្បន្ន រូបលោកក្រុមគ្រួសារ និងប្រជាពលរដ្ឋ ជាច្រើនគ្រួសារដទៃកំពុងទទួលរងការ ប៉ះពាល់ការរស់នៅនិងសុខភាពយ៉ាង ខ្លាំងដោយសារដីហុយនេះ ។
លោក ឡុង យានបន្ដថា មួយថ្ងៃៗក្រុម ហ៊ុនចិនមួយនេះបានប្រើប្រាស់រថយន្ដ ៧-១០គ្រឿង ធ្វើសកម្មភាពដឹកថ្មតាំងពី ម៉ោង៧ព្រឹករហូតដល់ម៉ៅង៥ល្ងាចដែល ធ្វើឱ្យខូចខាតដល់ផ្លូវថ្នល់និងសំឡេងរំខាននិងបង្កធូលីដីហុយស្ទើរងងឹតមេឃទៅ ហើយដែលពួកគាត់រកតែដកដង្ហើមក៏ ដកសឹងតែមិនរួចផង ។
ក្រៅពីដីហុយខ្លាំងបណ្ដាលឱ្យប៉ះពាល់ដល់សុខភាពជាច្រើនផ្នែកនេះអ្នកភូមិ ក៏សម្ដែងក្ដីព្រួយបារម្ភទៅលើសុវត្ថិភាពនៅពេលធ្វើដំណើរដែរ ។ អ្នកភូមិអះអាង ថា កាលពីខែមុនអ្នកភូមិម្នាក់ត្រូវរថយន្ដ កិនស្លាប់នៅពេលកំពុងបើកម៉ូតូលើដងផ្លូវហើយដីហុយខ្លាំងមើលគ្នាមិនឃើញ ។
គួររំលឹកថា កាលពីខែធ្នូ ឆ្នាំ២០១៤ កន្លងទៅក្រុមប្រជាពលរដ្ឋជាច្រើនភូមិ នៅតាមបណ្ដោយផ្លូវលំក្រាលក្រួស ក្រហមនោះធ្លាប់លើកគ្នាតវ៉ាបិទផ្លូវមិនឱ្យក្រុមហ៊ុនចិន ឈ្មោះ សៀងហៃ ដែល បានប្រើប្រាស់រថយន្ដធំៗដឹកថ្មម្ដងរួច មកហើយដោយសារតែធ្វើឱ្យដីហុយខ្លាំងនេះ ។ បន្ទាប់មកក្រុមហ៊ុនចិនឈ្មោះ សៀងហៃ បានយកទឹកទៅស្រោចផ្លូវក្នុង មួយថ្ងៃ៣ដង កុំឱ្យដីហុយ តែយ៉ាងណាគេ ហាក់ពុំឃើញមានភាពល្អប្រសើរនោះ ទេ ព្រោះតែស្រោចមិនបានកន្លះម៉ោង ផងដីហុយឡើងវិញ ដែលនៅតែបង្ក ផលប៉ះពាល់ដល់ប្រជាពលរដ្ឋដដែល ។
លើសពីនេះទៀតបើនៅតែបន្ដសកម្មភាពបែបនេះទៀតអាចនឹងធ្វើឱ្យខូចខាតផ្លូវក្នុងរយៈពេលដ៏ខ្លីខាងមុខទៀតផង ។ លុះក្រុមហ៊ុនចិន សៀងហៃ បានចេញទៅ ហើយប្ដូរក្រុមហ៊ុនចិនផ្សេងមកធ្វើការ នៅកន្លែងនេះក៏បានបង្កឱ្យមានបញ្ហាដីហុយជាថ្មីទៀត ។
ទាក់ទិននឹងករណីនេះនគរវត្ដមិន អាចទាក់ទងសុំការបំភ្លឺបានទេពីអាជ្ញាធរមូលដ្ឋានព្រោះគ្មានលេខទូរស័ព្ទ ៕
ដោយ៖ សហការី
