ភ្នំពេញ​៖សមត្ថកិច្ចធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យម្នាក់រួមទាំងម៉ូតូចំនួន២គ្រឿងកាលពីវេលាម៉ោង ០៦ និង២០នាទីព្រឹក ថ្ងៃទី៩ ខែធ្នូ ខែ២០១៨ ចំណុចបន្ទប់ជួលបុរីប៊ុន ហួរ ផ្លូវបេតុង ក្រុម២ ភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ​ ។

ក្រោយទទួលពាក្យបណ្តឹងភ្លាមសមត្ថកិច្ចធ្វើការស្រាវជ្រាវរហូតវេលាម៉ោង១៣និង៣០ថ្ងៃទី១០ខែឆ្នាំដដែលទើបឃាត់ខ្លួនជនសង្ស័យបានរួមទាំងម៉ូតូ២គ្រឿង។

ជនសង្ស័យឈ្មោះ សូ លីដា (ហៅអាស្វិត) ភេទប្រុសអាយុ១២៦ ឆ្នាំ មុខរបរមិនពិត ស្នាក់នៅផ្ទះជួលលេខA9 ភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ។

ជនរងគ្រោះទី១ ឈ្មោះ ថុល ធឿន ភេទស្រីអាយុ ២៨ឆ្នាំ មុខរបរកម្មការនីរោងចក្រ មានទីលំនៅបន្ទប់ជួលលេខ២៥(ជាន់ទី៤)បុរីប៊ុនហួរ  ភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែន ជ័យ។បាត់បង់ម៉ូតូ១គ្រឿងម៉ាកស្កុបពី ពណ៍ខ្មៅលាយក្រហម ពាក់ស្លាកលេខភ្នំពេញ 1FP-0519 ។

ជនរងគ្រោះទី២ ឈ្មោះ ឈាល ហាវ ភេទប្រុសអាយុ៣១ឆ្នាំ មុខរបរកម្មកររោងចក្រ ស្នាក់នៅបន្ទប់ជួលលេខ២៣ (ជាន់ទី៤)បុរីប៊ុនហួរ  ភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែន ជ័យ។បាត់បង់ម៉ូតូមួយគ្រឿងម៉ាក ហុងដារឌ្រីម សេ១២៥ ស៊េរី២០០៥ ពណ៍ខ្មៅពាក់ស្លាកលេខ ភ្នំពេញ1D- 6805។

សម្ថកិច្ចបានឲ្យដឹងថា​ កាលពីថ្ងៃទី ៩ខែធ្នូ ២០១៨ វេលាម៉ោង ៦និង៣០ នាទីជនរងគ្រោះក្រោកពីដេកមួយបានចុះពីបន្ទប់ជួលលេខជាន់ទី៤ដើម្បីយកម៉ូតូដែលខ្លួនទាំងពីរនាក់ ទុកក្នុងបន្ទប់មួយសំរាប់ដាក់ម៉ូតូដែលស្ថិតនៅភូមិព្រៃព្រីងត្បូង១ បុរីប៊ុនហ៊ួរ សង្កាត់ ចោមចៅទី២ ខណ្ឌពោធិ៍សែន ជ័យ ។ប៉ុន្តែនៅពេលដែលជនរងគ្រោះទាំង២នាក់ចុះមករក ម៉ូតូពេលនោះស្រាប់តែបាត់ម៉ូតូរបស់ខ្លួនទាំងពីរនាក់ជនរងគ្រោះទាំង២ នាក់ក៏បានមកដាក់ពាក្យបណ្ដឹងនៅប៉ុស្តិ៍នគរបាលចោមចៅទី២ នៅថ្ងៃទី៩ខែធ្នូឆ្នាំ២០១៨ វេលាម៉ោង៧ និង៣០ នាទីព្រឹកពេលដែលសមត្ថកិច្ចយើងទទួលពាក្យបណ្ដឹងរួចកម្លាំងក៏បានបើកការស្រាវជ្រាវឈានរហូតទៅដល់ការឃាត់ខ្លួនជនសង្ស័យម្នាក់ឈ្មោះសូ លីដា ហៅអាស្វិតនៅចំណុចបន្ទប់ជួលលេខ A9 ភូមិស្រែជំរៅ សង្កាត់ចោមចៅទី២ រួម និងម៉ូតូ២គ្រឿងនិងវត្ថុតាងមួយចំនួនទៀត។

បច្ចុប្បន្នជនសង្ស័យបានបញ្ចូនមកកាន់ផ្នែកជំនាញនៃអធិការដ្ឋាន នគរបាលខណ្ឌពោធិ៍សែន ជ័យ ដើម្បីសួរនាំ និងឃុំខ្លួនជាបណ្តោះអាសន្ន រងចាំឡើងតុលារការចាត់ការតាមនិតិវិធី៕សុខាសែនជ័យ