ខេត្តកំពង់ស្ពឺៈ កម្មករនិងកម្មការិនីប្រមាណ១០០នាក់ ត្រូវបានបញ្ជូនទៅសង្រ្គោះនៅមន្ទីរពេទ្យ ក្រោយពីដួលសន្លប់ជាបន្តបន្ទាប់ ហើយត្រូវបានគេសង្ស័យថាសារតែធុំឆួលក្លិនថ្នាំដែលប្រើប្រាស់ការពារផលិតផលនៅក្នុងរោងចក្រនេះតែម្តង ។

ហេតុការណ៍ដួលសន្លប់ដោយសារក្លិនថ្នាំនេះកើតឡើងកាលពីរសៀលថ្ងៃទី២១ ខែធ្នូ ឆ្នាំ២០១៨  នៅរោងចក្រវេនធូរ៉ា ស្ថិតនៅភូមិវាលវង់ ឃុំសែនដី ស្រុកសំរោងទងខេត្តកំពង់ស្ពឺ។

បើតាមប្រភពពីសមត្ថកិចបានអោយដឹងថាមុនពេលកើតហេតុកម្មករនិងកម្មការិនីបានចូលបំតើការ​ងារ​ជាធម្មតាដោយមិនមានរឿងអ្វីឡើយស្រាប់តែពេលចេញហូបបាយថ្ងៃត្រង់រួចពេលចូលទៅបំរើការងារវិញម្នាក់ៗស្រាប់តែមានអាការៈល្ហិតល្ហៃវិលមុខអស់កម្លាំងហើយដួលសន្លប់ជាបន្តបន្ទាប់ ។ ឃើញដូច្នោះអ្នកគ្រប់គ្រងបានរាយការណ៍មកសមត្ថកិចអន្តរាគមន៍ហើយបញ្ជូនអ្នកដួលសន្លប់ទាំងអស់ទៅសង្តរោះភ្លាមៗផងដែរ។

ប្រភពបន្តថាក្រុមកម្មករ-កម្មការនីដួលសន្លប់មានចំនួន 99 នាក់ ប្រុស 2នាក់ចំពោះមូលហេតុត្រូវបានដឹងថាបណ្តាលមកពីការជះក្លិនថ្នាំះទើបធ្វើអោយថប់ដង្ហើម វិលមុខហើយដួលសន្កប់បែបនេះ។

ក្រោយកើតហេតុអ្នកដួលសន្លប់ត្រូវបានក្រុមហ៑ុនបញ្ជូនទៅព្យាបាលនៅមន្ទីរពេទ្យសម្ភពថ្នល់ទទឹង មន្ទីរពេទ្យ សម្ភពបែកចាន មណ្ឌលសុខ ភាពអង្គមេត្រី ឃុំរលាំងគ្រើល មន្ទីរពេទ្យបង្អែកខេត្តកំពង់ស្ពឺ ។

សូមបញ្ជាក់ថាអ្នកដែលដួលសន្លប់ទាំងអស់ក្នុងចំណោមកម្មករសរុបចំនួន 4129 នាក់ដែលកំពុងបំរើការនៅទីនោះ  ។ រហូតមកដល់ពេលនេះអ្នកខ្លះបានធូរស្រាលខ្លះហើយនិងបានត្រឡប់ទៅផ្ទះវិញអស់មួយចំនួនហើយដែរនៅសល់ខ្លះកំពុងសំរាកបន្តនេះបើតាមការបញ្ជាក់ប្រាប់ពីមន្ត្រីមន្ទីរការងារ៕សេនាស័ក្តិ