ម្ចាស់រថយន្តសេរីទំនើបពាក់ខេមរភូមិន្ទមានក្តីមេតាជួយចេញថ្លៃព្យាបាល៦០០ដុល្លាជូនប្អូនស្រីម្នាក់ជិះម៉ូតូដួលចូលក្រោមរថយន្តរបស់គាត់

ចែករំលែក៖

     ភ្នំពេញ៖ នារីម្នាក់បានជិះម៉ូតូមួយគ្រឿងបត់ឆ្លងផ្លូង និងគេចពីររថយន្តមួយគ្រឿងបណ្តាលឲ្យដួល និងដៃម្ខាងចូលយ៉ាន់កង់ក្រោយរថយន្តមួយគ្រឿងទៀតដែលកំពុងបត់ឆ្លងផ្លូវដូចគ្នាបណ្តាលឲ្យរងរបួសដៃម្ខាងធ្ងន់ កាលពីវេលាម៉ោង៧និង៣០នាទីយប់ ថ្ងៃទី២១ ខែធ្នូ ឆ្នាំ២០១៨ ស្ថិតនៅតាមបណ្តោយផ្លូវលេខ១៩៩ កែងនិងផ្លូវលេខ២៧១ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកើតហតុបានឲ្យដឹងថា មុនពេលកើតហេតុ គេឃើញនារីម្នាក់ជិះម៉ូតូមួយគ្រឿងម៉ាកធូដេពណ៌ទឹកសមុទ្រ ពាក់ស្លាកលេខភ្នំពេញ1FH-3878 បានចុះពីលើស្ពានអាកាសស្ទឹងមាជ័យ តាមបណ្តោយផ្លូវ២៧១ ទិសដៅពីជើងទៅត្បូង លុះមកដល់កែងផ្លូវ១៩៩ក៏បានបត់ឆ្វេងបានបន្តិចក៏បានគេចពីរថយន្តមួយគ្រឿងបណ្តាលដួលទៅលើថ្នល់ ខណះនោះក៍មានរថយន្តស៊េរីទំនើបមួយគ្រឿងម៉ាកអេស្កាលេត ពណ៌ខ្មៅ ពាក់ស្លាកលេខ ខេមរភូមិន្ទ01-2-0999បើកបរដោយបុរសម្នាក់រួមដំណើរនិងស្ត្រីម្នាក់ទៀតបញ្ច្រាស់គ្នា ទិសដៅពីត្បូងទៅជើងបានបត់ស្តាំចូលផ្លូវតែមួយ បណ្តាលឲ្យដៃឆ្វេងជនរងគ្រោះចូលក្នុងយ៉ាន់កង់រថយន្តផ្នែកខាងក្រោយរងរបួសធ្ងន់ បន្ទាប់មកត្រូវរថយន្តសង្គ្រោះបន្ទាន់មន្ទីពេទ្យរុស្សុីដឹកយកទៅសង្គ្រោះភ្លាមៗ ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុដោយភាគីទាំងសងខាងបានសម្របសម្រួលគ្នាដោយខាងភាគីខាងម្ចាស់រថយន្តបានប្រាប់ទៅអ្នកសារព័ត៌មានថា ខាងរថយន្តរបស់គាត់មិនខុសនោះទេឯខាងម៉ូតូនោះទេជាអ្នកខុស ព្រោះជិះមកដួលចូលកង់រថយន្តរបស់គាត់ដោយខ្លួនឯង តែដោយសាររូបគាត់មានកាអាណិតអាសូនិងមានក្តីមេត្តាស្ត្រីរងគ្រោះផងដែរនោះ រូបគាត់ក៏បានជូនថ្លៃព្យាបាលរបួសចំនួន៦០០ដុល្លារដើម្បីបញ្ចប់រឿងនៅនិងកន្លែងកើតហេតុ៕ ដោយ៖ ភារ៉ា ដង្កោ

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print