ខេត្ដកំពង់ធំ៖ នគរបាលខេត្ដកំពង់ធំ បានចាប់បញ្ជូនបុរសម្នាក់ទៅតុលាការ នៅរសៀលថ្ងៃទី៣ ខែធ្នូ ឆ្នាំ២០១៥ បន្ទាប់ពីរកឃើញអាវុធកែច្នៃ២ដើមនិង ឧបករណ៍ឆក់ត្រីនៅក្នុងផ្ទះកាលពីថ្ងៃទី២ ខែធ្នូ ឆ្នាំ២០១៥ ។
លោកវរសេនីយ៍ត្រី នួន គំនិត អធិ ការរងស្រុកសណ្ដាន់បានឱ្យដឹងថា ជន សង្ស័យត្រូវបានចាប់ខ្លួនឈ្មោះ វង វ៉ន ភេទប្រុស អាយុ៦០ឆ្នាំ មានស្រុកកំ ណើតនៅស្រុកខ្សាច់កណ្ដាល ខេត្ដក ណ្ដាល បច្ចុប្បន្នមករស់នៅភូមិថ្មី ឃុំ*ដង កាំបិត ស្រុកសណ្ដាន់ ខេត្ដកំពង់ធំ ។
នគរបាលស្រុកសណ្ដាន់បានបញ្ជាក់ ថា មុនពេលឃាត់ខ្លួនជនសង្ស័យខាងលើ នេះដោយសារសមត្ថកិច្ចបានសង្ស័យថា បុរសរូបនេះមានលាក់ទុកអាវុធដោយ ខុសច្បាប់និងចេញធ្វើសកម្មភាពបរ បាញ់សត្វក៏ដូចជាឆក់ត្រីជាដើម ។ នៅ*ពេលនោះសមត្ថកិច្ចក៏បានសម្រេចឆែក ឆេរផ្ទះជនសង្ស័យបន្ទាប់ពីសុំការអនុ ញ្ញាតិរបស់ព្រះរាជអាជ្ញារអមសាលា ដំបូងខេត្ដ ។ នៅពេលដែលសមត្ថកិច្ច ឆែកឆេរបានរកឃើញអាវុធកែច្នៃដាក់ រំសេវបាញ់ចំនួន២ដើមនិងឧបករណ៍ឆក់ ត្រីផងដែរ ។
នៅចំពោះមុខសមត្ថកិច្ចជនសង្ស័យ បានប្រាប់ថា អាវុធកែច្នៃ២ដើមខាងលើ នេះរូបគាត់បានទិញពីគេទុកសម្រាប់ បាញ់សត្វ តែចំពោះឧបករណ៍ឆក់ត្រី នោះវិញជារបស់គាត់ដែលបានកែច្នៃ ឡើង ។
ផ្អែកតាមចម្លើយនិងភស្ដុតាងអាវុធ កែច្នៃព្រមទាំងឧបករណ៍ឆក់ត្រីដែល ច្បាប់ហាមឃាត់សមត្ថកិច្ចបានកសាង សំណុំរឿងបញ្ជូនជនសង្ស័យខាងលើនេះ ទៅតុលាការនៅរសៀលថ្ងៃទី៣ ខែធ្នូ ដើម្បីចាត់ការតាមច្បាប់ ៕
ដោយ៖ ប៊ុន រិទ្ធី
