ខេត្តស្វាយរៀងះ យ៉ាងហោចណាស់កម្មករ កម្មការិនី១៥នាក់ក្នុងចំណោម៦០នាក់បានរងរបួសស្រាលដោយសារករណីគ្រោះថ្នាក់ចរាចរណ៏គួអោយរន្ធត់រវាងរថយន្តដឹកកម្មករបុកគូដរថយន្តស៊ីទែនឹកប្រេងពីក្រោយពេញទំហឹងបង្កការភ្ញាក់ផ្អើលដល់អ្នកភូមិនិងអ្នកធ្វើដំណើរចោមរោមមើលនិងរាយការណ៏មកសមត្ថកិច្ចមូលដ្ឋានដឹកមក សង្គ្រោះនៅមន្ទីពេទ្យបង្អែកស្រុកស្វាយទាប។

ហេតុការណ៏នេះបានកើតឡើងកាលពីវេលាម៉ោង៦និង៣០នាទីព្រឹកថ្ងៃទី ៣ខែមករាឆ្នាំ ២០១៩ ចន្លោះគីឡូ ម៉ែត្រ១៣៩និង១៤០នៅលើផ្លូវជាតិលេខ ១ ស្ថិតនៅភូមិថ្នល់កែងឃុំកណ្ដៀងរាយស្រុកស្វាយទាបខេត្តស្វាយរៀង។

បើតាមសមត្ថកិច្ចនគរបាលស្រុកស្វាយទាបបានអោយដឹងថាអ្នកបើករថយន្តដឹកកម្មករបង្កហេតុដែលត្រូវសមត្ថកិច្ចឃាត់ខ្លួនមានឈ្មោះខៀវ ហន  អាយុ២៥ ឆ្នាំ   មុខរបរ បើកបរ រថយន្ត ជនជាតិខ្មែរ រស់នៅភូមិថ្លុកព្រីងឃុំពពែត ស្រុកស្វាយទាប ខេត្តស្វាយរៀង ។

ចំពោះកម្មករដែលជិះក្នុងរថយន្តមាន៦០នាក់ប៉ុន្តែអ្នករងរបួសស្រាលតែ១៥នាក់មានបុរសម្នាក់ខណះកំពុងសម្រាកព្យាបាលនៅមន្ទីពេទ្យបង្អែកស្រុកស្វាយទាប។

តាមសាក្សីបានអោយដឹងថាមុនកើតហេតុមានរថយន្តដឹកកម្មករម៉ាក ហ៊ីយ៉ាន់ដាយ ពណ៌ស ស្លាកលេខ ភ្នំពេញ ៣D ៤០១៤ ដោយធ្វើដំណើរពីទិសដៅពីលិចទៅកើតលើកំណាត់ផ្លូវជាតិលេខ១លុះបើកមកដល់ចំណុចកើតហេតុខាងលើស្រាប់តែមានរថយន្តស៊ីទែនដឹកប្រេងទិសដៅស្របគ្នានៅខាងមុខជាន់ហ្រ្វាំងបង្អង់ល្បឿន ក៏បុកពីក្រោយយ៉ាងពេញទំហឹងបង្កការស្រែកផ្អើលឆោឡោដល់កម្មករជិះក្នុងរថយន្តភ័យប្រលឹងចុងសក់និងរងរបួសស្រាលតែប៉ុណ្ណោះ។

សមត្ថកិច្ចបានបញ្ជាក់ថាមូលហេតុដែលបណ្ដាលអោយមានករណីគ្រោះថ្នាក់ចរាចរណ៏នេះកើតឡើងដោយសារ តែរថយន្តបើកកៀកគ្នាដោយទុកចន្លោះសុវត្ថិភាពមិនគ្រប់គ្រាន់។

បច្ចប្បន្នអ្នករងរបួស១៥នាក់កំពុងសម្រាកព្យាបាលនៅមន្ទីពេទ្យបង្អែកស្រុកស្វាយទាបនុងធ្វ់ការវាស់វែងអូស យករថយន្តដឹកកម្មករបង្កហេតុមករក្សាទុកនៅអធិការដ្ឋាននគរបាលស្រុកស្វាយទាបដើម្បីដោះស្រាយតាមច្បាប់ ៕