ចាប់ខ្លួន​ចោរប្លន់ស្រីស្រស់ស្អាតលក់ទំនិញ​ Onlinបានហេីយ​ ការពិតជាសិស្សសាលាសោះ​ និងកំពុង​តាមចាប់បក្ខពួក

ចែករំលែក៖

ភ្នំពេញ ៖ រយៈ​ពេល​១០ថ្ងៃ​ប៉ុណ្ណោះ​កម្លាំង​កងរាជ​អាវុធហត្ថ​រាជធានី​ សហការកម្លាំង​អាវុធហត្ថមូលដ្ឋានខណ្ឌពោធិ៍សែនជ័យបេីកការស្រាវជ្រាវឈានដល់ការចាប់ខ្លួនជនដែលបានធ្វើសកម្ម​ ភាពបោកនារីស្រស់ស្អាតលក់ទំនិញOnlinម្នាក់ ខណះ​បានស្គាល់គ្នាតាម​ Facebook ឲ្យទៅជួបរូបគេនៅ​ ផ្ទះសំណាក់បៃតង ហើយយកកាំបិតភ្ជង់ប្លន់ យក​គ្រឿងអលង្ការ​ ទូរស័ព្ទដៃអស់ពីខ្លួន សរុប​ទឹក​ប្រាក់ជាង​៣,០០០ដុល្លារ ។

មន្ត្រី​កងរាជ​អាវុធហត្ថ​អោយដឹងថា​ ជននេះកម្លាំង​ ចាប់ខ្លួនបាននៅចំណុចផ្ទះសំណាក់សូរិយា ក្បែរសាលាខណ្ឌពោធិ៍សែនជ័យ​ យប់ថ្ងៃទី១១ ខែ​ មករា ឆ្នាំ២០១៩នេះ ។ ជនសង្ស័យ​ឈ្មោះ ឌីណា ពុទ្ធិសាក់ ​ហៅក្រៅទី អាយុ​២១ មុខរបរសិស្សសាលា មានស្រុកកំណើត​ និងទីលំនៅបច្ចុប្បន្នភូមិអង្គកែវ សង្កាត់​ចោមចៅ៣ ខណ្ឌពោធិ៍សែនជ័យ។

ក្រោយការសាកសួរជនសង្ស័យសារភាពថា រូបគេមានឈ្មោះ ឌីណា ពុទ្ធិស័ក្ត ហៅ​ទី ពិតជាបានប្រើ Account Facebook ឈ្មោះ Tii Fee (ឥទ្ធិពលនៃផ្សែងគីមី) បោកនារីរងគ្រោះតាម​ រយៈ Facebook ឲ្យជួបនិងភ្ជង់ប្លន់កាលពីថ្ងៃទី០១ ខែមករា ឆ្នាំ២០១៩ ពិតប្រាកដមែន។

ជនសង្ស័យ​សារភាព​ទៀត​ថា​ ចំពោះ​សម្ភារដែលប្លន់បានពីនារីរងគ្រោះ រូបគេបានប្រគល់ឲ្យមិត្តភក្តិឈ្មោះ ត្រា, ឧត្តម, ស្នា និង ជា ដូរយកគ្រឿងញៀន មួយកញ្ចប់ធំ មកចែកគ្នាជក់ និងលក់បន្ត។

បច្ចុប្បន្នអាវុធហត្ថរាជធានីភ្នំពេញ កំពុងបន្តនិតិវិធីស្រាវជ្រាវស្វែងរកចាប់ខ្លួនគូរកន របស់ជនសង្ស័យដែលនៅសេសសល់ជាបន្តទៀត។

គួររំឭកថា ​នៅថ្ងៃទី០១ ខែមករា ឆ្នាំ២០១៩ មានករណីជនសង្ស័យម្នាក់ បានធ្វើសកម្មភាពបោកនារីស្រស់ ស្អាតលក់ទំនិញ Onlinម្នាក់ ដែលស្គាល់គ្នាតាម​ Facebook ឲ្យទៅជួបរូបគេនៅផ្ទះសំណាក់បៃតង ហើយធ្វើសកម្មភាព​ យកកាំបិតភ្ជង់ប្លន់ យកគ្រឿងអលង្ការទូរស័ព្ទដៃអស់ពីខ្លួន សរុប​ទឹកប្រាក់ជាង​៣,០០០ដុល្លារ ធ្វើឲ្យមានការភ្ញាក់ផ្អើលដល់មហាជនពិសេស ក្នុងបណ្តាញសង្គម​ ៕​ ដោយ​៖​ជាយក្រុង​

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print