ភ្នំពេញ៖ ជនជាតិចិនម្នាក់បានយកនារីភេទទីបីទៅដេកនៅខុនដូមួយកន្លែងតែទៅដល់ខុនដូមិនពេញចិត្តហើយក៏ឱ្យត្រឡប់មកវិញរួចឱ្យលុយចំនួន៥ដុល្លារនារីភេទទី៣មិនព្រមយក ហើយប្រកែកគ្នាតឹងសរសៃកកើតជាហិង្សា។ហេតុការណ៍នេះបានកើតឡើងកាលពី១២រំលងអធ្រាត្រ ឈានចូលថ្ងៃទី១៦ ខែមករាឆ្នាំ២០១៩ នៅត្រង់ចំណុចមុខខុនដូរ ថាឡឹនស្តាយ ផ្ទះលេខ37 តាមបណ្ដោយផ្លូវ430នៅក្នុងសង្កាត់ទំនប់ទឹក ខណ្ឌចំការមន ។
សមត្ថកិច្ចបានឲ្យដឹងថា ខាងភេទទី បី ទី1 មានឈ្មោះអេម ចាន់គីរុណ ភេទស្រី អាយុ២៧ឆ្នាំ ផ្ទះលេខ105 អាអឺ២ហ្សិត ផ្លូវលេខ ១២២ ភូមិ១៣ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ហើយភេទទីបី ទី២ ឈ្មោះ ម៉េង សំអាង ភេទស្រី អាយុ៣១ឆ្នាំ រងរបួសស្រាល។
ប្រភពពត៌មាន ពីភេទទី3 បានឲ្យដឹងថា ដំបូងឡើយជនជាតិចិន បានឆាតតាមវីឆាតទៅគាត់ដើម្បីឲ្យគាត់មកដេកជាមួយក្នុងតំលៃ២០០ដុល្លារអាមេរិក បើសិនមានគ្នាពីរនាក់ក៏បាន។ ស្រាប់តែគាត់ជិះកង់បីឥណ្ឌាមកដល់កន្លែងកើតហេតុ។ ជនជាតិចិនមិនត្រូវចិត្តក៏ឱ្យ៥ដុល្លារត្រឡប់ទៅវិញ។ពួកនាងមិនព្រមយកដោយសារតែឲ្យលុយតិចពេក ហើយក៏មានការប្រកែកតឹងសរសៃកើតជាហិង្សាវាយគ្នាទៅមករងរបួសស្រាលរៀងៗខ្លួន។ ចំណែកខាងភេទទី3ទាញដុំថ្មគប់បណ្ដាលឲ្យបែកកញ្ចក់រថយន្តព្រូសពណ៌ខ្មៅពាក់ស្លាកលេខភ្នំពេញAV.6528 ខាងជនជាតិចិនបែកចំហៀងខាងមុខមួយនិងបែកកញ្ចក់ចំហៀងខាងឆ្វេងកញ្ចក់ខាងក្រោយ។រងការខូចខាតយ៉ាងដំណំ។ បន្ទាប់ពីកើតហេតុ
ជនជាតិចិនគាត់បានឡើងទៅលើខុនដូបាត់ទៅ ចំណែកពួកភេទទី៣ក៏ត្រឡប់ទៅវិញដែរ៕ជ្រោយពេជ្រ