បើកបរមិនមានបំភ្លឺភ្លើងអំពូល​ បណ្តាល​ឲ្យ​យុវជនម្នាក់ស្លាប់ និងម្នាក់ទៀតរបួសធ្ងន់

ចែករំលែក៖

ខេត្តត្បូងឃ្មុំ ៖​ បុរស​២នាក់ធ្វេីដំណេីរដោយម៉ូតូ​មួយគ្រឿងមិនមានភ្លេីងបំភ្លឺផ្លូវបានជួបគ្រោះថ្នាក់​ចរាចរណ៍​បុកជាមួយ​រថយន្តពីក្រោយ​ បណ្តាល​អោយស្លាប់ម្នាក់​ក្រោយបញ្ជូនដល់មន្ទីរពេទ្យ និងអ្នករួមដំណេីររងរបួសធ្ងន់​។

នគរបាល​ចរាចរណ៍អោយដឹងថា​ ហេតុការណ៍​នេះកើតឡើង​រវាងរថយន្តបុកជាមួយម៉ូតូកាលពី​វេលាម៉ោង៧២០នាទី ថ្ងៃទី១៦ ខែមករា ឆ្នាំ២០១៩ម្សិលមិញ​ នៅលើផ្លូវជាតិលេខ៧ ចន្លោះបង្គោលគីឡូម៉ែត្រលេខ២១២-២១៣ ស្ថិតនៅភូមិរោងចក្រស្ក ឃុំត្រមូង ស្រុកមេមត់ ខេត្តត្បូងឃ្មុំ បាន​បណ្តាលឲ្យមនុស្សម្នាក់ស្លាប់ ពេលបញ្ជូនមកដល់មន្ទីរពេទ្យបង្អែក និងម្នាក់ទៀតរងរបួសធ្ងន់ធ្ងរត្រូវបញ្ជូនបន្តទៅកាន់មន្ទីរពេទ្យខេត្ត ។

ប្រភពព័ត៌មាន​អោយដឹងថា​ នៅមុនពេលកេីត​ ហេតុមានម៉ូតូម៉ាកអ៉ឹមអេសអុិច (MSX)ពណ៌សរ បេីកបរពីទិសខាងលិចទៅទិសខាងកេីត បេីក​បរ​ ក្នុង​ល្បឿនយ៉ាងលឿង គ្មានភ្លេីងសំរាប់បំភ្លឺ​ ។ លុះបេីកបរដល់ចំណុចកេីតហេតុបានបុករថយន្តធុនធំមួយគ្រឿង មិនស្គាល់ម៉ាកបេីកបរពីទិសខា​ង​ លិចទៅទិសខាងកេីតចំពីក្រោយពេញទំហឹងតែម្ដង ។

សមត្ថកិច្ចបានដឹងទៀតថា ម៉ូតូម៉ាកអិមអេសអុិច(MSX) ពណ៌ស បេីកបរដោយឈ្មោះ ឡុង ឌី ភេទប្រុស អាយុ២០ឆ្នាំជាតិខ្មែរ រស់នៅភូមិខ្នងក្រពេីលិច ឃុំត្រមូងស្រុកមេមត់ ខេត្តត្បូងឃ្មុំ (ស្លាប់ពេលបញ្ជូនដល់មន្ទីរពេទ្យបង្អែកស្រុកមេមត់) និងរួមដំណើរឈ្មោះ ឈាង ដារ៉ូ ភេទប្រុស អាយុ១៩ឆ្នាំជាតិខ្មែរ រស់នៅភូមិខ្នងក្រពេីលិច ឃុំត្រមូង ស្រុកមេមត់ ខេត្តត្បូងឃ្មុំ (របួសធ្ងន់) ។ ចំណែក​អ្នកបេីកបររថយន្តធុនធំ​ មិនស្គាល់អត្តសញ្ញាណ មិនស្គាល់ឈ្មោះទេ​ព្រោះបានបេីករថយន្តគេចចេញពីកន្លែងកេីតហេតុបាត់ ។

សមត្ថកិច្ច​បញ្ជាក់ថា​ ចំពោះ​សពឈ្មោះ ឡុង ឌីន ត្រូវបានក្រុមគ្រួសារយកទៅធ្វេីបុណ្យតាមប្រពៃណីសាសនា និងឈ្មោះ ឈាង ដារ៉ូ ត្រូវបានក្រុមគ្រួសារដឹកយកទៅសង្រ្គោះបន្តរនៅមន្ទីរពេទ្យខេត្តកំពង់ចាម ។ ដោយឡែកម៉ូតូចំនួន០១គ្រឿង សមត្ថកិច្ចនគរបាលចរាចរណ៍បានយកមករក្សាទុក​នៅអធិការដ្ឋាននគរបាលស្រុកមេមត់ ដេីម្បីធ្វើការស្រាវជ្រាវ និងបំពេញសំណុំរឿងតាមនីតិវិធី ៕ វណ្ណៈ

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print