ចាប់ខ្លួនជនសង្ស័យ៧នាក់ពាក់ព័ន្ធ ករណីចែកចាយនិងប្រើប្រាស់ថ្នាំញៀននៅកៀនស្វាយ

ចែករំលែក៖

ខេត្តកណ្តាល ៖  មុខសញ្ញាចែកចាយនិងប្រើប្រាស់គ្រឿងញៀនចំនួន៧នាក់ត្រូវបានកម្លាំងនគរបាលស្រុកកៀនស្វាយចាប់ខ្លួននៅរសៀលថ្ងៃទី១៩ខែមករាឆ្នាំ២០១៩ នៅគោលដៅ២ផ្សេងគ្នាក្នុងភូមិសាស្ត្រស្រុកកៀនស្វាយ ដកហូតបានគ្រឿងញៀនជាច្រើនកញ្ចប់ដែលក្រុមជនសង្ស័យលាក់ទុកនៅក្នុងបន្ទប់ស្នាក់  ។
លោកវរសេនីយ៍ឯកព្រុំ សំណាង  អធិការនគរបាលស្រុកកៀនស្វាយទើបចូលកាន់តំណែងបានជិត១ខែ ដែលដឹកនាំកម្លាំងចុះបង្ក្រាបគ្រឿងញៀនបានប្រាប់អ្នកយកពត៍មានថា  ដោយមានការចង្អុលបង្ហាញពីលោកឧត្តមសេនីយ៍​ទោអ៊ាវ ចំរើនស្នងការនគរបាលខេត្តកណ្តាល និងឧត្តមសេនីយ៍ត្រី ឈឿន សុចិត្តស្នងការរងខេត្តផ្នែកប្រឆាំគ្រឿងញៀន  កម្លាំងនគរបាលស្រុកបានប្រើប្រាស់ជំនាញចុះស៉ើបអង្កេតជាច្រើនថ្ងៃមកហើយទើបឈានដលើការបំបែកសំបុកក្រុមចែកចាយនិងប្រើប្រាស់គ្រឿងញៀននៅ២គោលដៅ គឺឃុំកំពង់ស្វាយនិងឃុំឈើទាលស្រុកកៀនស្វាយ ខេត្តកណ្តាល  ឃាត់ខ្លួនជនសង្ស័យប្រុស,ស្រីចំនួន០៧នាក់។ ក្នុងកិច្ចប្រតិបត្តិការនេះដែរសមត្ថកិច្ចធ្វើការដកហូតបានវត្ថុតាងថ្នាំញៀនចំនួន១៦កញ្ចប់,ធំ០៥កញ្ចប់.មធ្យម០១កញ្ចប់.តូច១០កញ្ចប់និងប្រភេទយ៉ាម៉ា០១គ្រាប់។២/ជញ្ចីងថ្លឹងថ្នាំញៀន០២។ ៣/ទូរស័ឮដៃ១៨គ្រឿង។ ៤/ដាវកែឆ្នៃ០១ដើម។
៥/ឧបករណ៍ប្រើប្រាស់និងឧបករណ៍ប្រើប្រាស់វេចខ្ចប់ថ្នាំញៀនមួយចំនួនផងដែរ។
      លោកអធិការស្រុកបន្តថា  ជនសង្ស័យមានចំនួន០៧នាក់ប្រុស,ស្រី ក្នុងនោះគោលដៅទី១ជនសង្ស័យ៣នាក់ចាប់ខ្លួននៅក្នុងឃុំកំពង់ស្វាយ រួមមាន ១_ឈ្មោះអៀម ភារម្យហៅម៉ក់ភេទប្រុសអាយុ៣១ឆ្នាំរស់នៅឃុំកំពង់ស្វាយ។ ២_ឈ្មោះគ្រី ចាន់នីភេទប្រុសអាយុ៣៥ឆ្នាំរស់នៅឃុំកំពង់ស្វាយ។
៣_ឈ្មោះសារី យូសេងភេទប្រុសអាយុ៣១ឆ្នាំរស់នៅឃុំកំពង់ស្វាយ។ ចំពោះគោលដៅទី២ ចាប់ខ្លួនជនសង្ស័យ
ចំនួន០៤នាក់ នៅក្នុងឃុំឈើទាល រួមមាន ១_ឈ្មោះនួន ចាន់ធីភេទប្រុសអាយុ២៥ឆ្នាំរស់នៅឃំុភូមិធំ។
២_ឈ្មោះផាត ឌីណាហៅម៉ុកភេទប្រុសអាយុ២០ឆ្នាំរស់នៅឃំុកំពង់ឈើទាល។ ៣_ឈ្មោះលឹម មករាភេទប្រុស១៩ឆ្នាំរស់នៅស្រុកបាទីខេត្តតាកែវ។ ៤_ឈ្មោះលាង សុីម៉េងភេទស្រី អាយុ២០ឆ្នាំរស់នៅឃុំគគីរ។

លោកអធិការបានបន្តទៀតថា៖ចំពោះជនសង្ស័យនិងវត្ថុតាងកសាងសំណុំរឿងបញ្ចូនទៅតុលាការដើម្បីចាត់ការតាមនិតិវិធីច្បាប់។

សូមបញ្ចាក់ថាលោកវរសេនីយ៍ឯកព្រុំសំណាងទើបចូលមកកាន់តំណែងអធិការនគរបាលស្រុកកៀនស្វាយនៅថ្ងៃទី០២ខែមករាឆ្នាំ២០១៩និងបង្ក្រាបករណីគ្រឿងញៀនចំនួន០៣ករណីនៅឃុំកំពង់ស្វាយ០២ករណីនិងឃុំឈើទាល០១ករណី។

...

ជាមួយគ្នានេះដែរលោកអធិការបានសំណូមពរដល់ប្រជាពលរដ្ឋរស់នៅក្នុងស្រុកកៀនស្វាយសូមចូលរួមផ្តល់ពត៍មានដល់សមត្ថកិច្ចនូវមុខសញ្ញាសង្ស័យ  មុខសញ្ញាក្មេងទំនើង  មុខសញ្ញាគ្រឿងញៀនដើម្បីឈានដល់ការបង្ក្រាប  ហើយក៍មានន័យថាបងប្អូនប្រជាពលរដ្ឋបានចូលរួមចំណែកអនុវត្តគោលនយោបាយ” ភូមិ_ឃុំ មានសុវត្ថិភាព  “ អោយមានប្រសិទ្ធភាព  ៕ សណ្តោស


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print