ខេត្តកំពង់ស្ពឺ៖ មនុស្ស៣នាក់រងរបួសជាទំងន់ត្រូវបានក្រុមគ្រួសារសាច់ញាតិបញ្ជូនទៅសង្រ្គោះនៅមន្ទីរពេទ្យភ្លាមៗផងដែរបន្ទាប់ពីរងនូវការកាប់និងបាញ់ពីសំណាក់ក្រុមចោរប្លន់មួយក្រុមដេលធ្វើសកម្មភាពចូលទៅបាញ់ប្លន់យកទ្រព្យសម្បត្តិ។

ករណីបាញ់ប្លន់នេះកើតឡើងនៅវេលាម៉ោង19យប់ថ្ងៃទី06ខែធ្នូ ឆ្នាំ២០១៥ នៅចំណុចអូរអុកគួថ ភូមិប្រសប់ជុំទី1 ឃុំត្រែងត្រយឹង ស្រុកភ្នំស្រួច  ខេត្តកំពង់ស្ពឺ។ ម្ចាស់ផ្ទះរងគ្រោះត្រូវបានស្គាល់មាន ទី១ឈ្មោះប៉ាន់ សុ គឿត ភេទប្រុស អាយុ53ឆ្នាំ ទី២ឈ្មោះណាំ សុជាតិ ភេទប្រុសអាយុ43ឆ្នាំ រងបួសធ្ងន់ត្រូវជាប្អូនជីដូនមួយម្ចាស់ផ្ទះ និងទី៣ឈ្មោះសុ គឿតវិសាល ភេទប្រុស អាយុ20ឆ្នាំត្រូវជាកូនម្ចាស់ផ្ទះអ្នកទាំង៣រស់នៅកន្លែងកើតហេតុខាងលើ។

សាច់ញាតិជនរងគ្រោះបានអោយដឹងថាមុនពេលកើតហេតុពួកគាត់កំពុងតែនៅក្នុងផ្ទះស្រាប់តែលេចមនុស្សមួយក្រុមប្រដាប់ដោយអាវុធវែងខ្លីបានចូលមកភ្ជុង់និងចាប់វាយ កាប់ព្រមទាំងបាញ់ហើយសួររកទ្រព្យសម្បត្តិ។ ពេលនោះក្រុមចោរបានដោះយកគ្រឿងអលង្កានៅជាប់នឹងខ្លួនក្រុមជនរងគ្រោះទាំង៣នាក់អស់ពីខ្លួនបន្ទាប់ពីបានទ្រព្យសម្បត្តិហើយពួកវាក៏គេចខ្លួនអស់ទៅ។

នគរបាលស្រុកភ្នំស្រួចបានអោយដឹងថាជនរងគ្រោះឈ្មោះប៉ាន់ សុគឿត ត្រូវគ្រាប់កាំភ្លើង1គ្រាប់ចំក្បាលជង្គង់ខាងស្តាំ និងឈ្មោះណាំសុជាតិត្រូវក្រុមចោរវាយនឹងពូថៅបណ្តាលអោយរងរបួសធ្ងន់ព្រមទាំងកូនម្ចាស់ផ្ទះឈ្មោះសុគឿតវិសាល ត្រូវក្រុមចោរវាយនឹងពូថៅបណ្តាលអោយរងរបួសធ្ងន់ដូចគ្នាត្រូវក្រុមគ្រួសារបញ្ជូនទៅសង្រ្គោះនៅមន្ទីរពេទ្យក្រុងភ្នំពេញទាំងយប់។ ក្រោយមានការភ្ញាក់ផ្អើលសមត្ថកិច្ចទាំនគរបាលនិងកងរាជអាវុធហត្ថបានចុះទៅដល់កន្លែងកើតហេតុរកឃើញនូវសំបកកាទូសគ្រាប់កាំភ្លើងអាកា២គ្រប់និងសំបកកាទូសកាំភ្លើងខ្លី១គ្រាប់បន្សល់ទុកនៅកន្លែងកើតហេតុ។

ក្រោយធ្វើការស្រាវជ្រាវនិងសាកសួរសាក្សីក្រុមជនសង្ស័យជាចោរមានគ្នាចំនួន05នាក់មិនស្គាល់អត្តសញ្ញាណប្រដាប់ដោយអាវុធ02ដើមអាការ01ដើមកាំភ្លើងខ្លី01ដើមបានធ្វើសកម្មភាពចួលមកពីក្រោយផ្ទះផ្នែកខាងលិចភ្ជង់សំឡុតបាញ់ម្ចាស់ផ្ទះបាញ់ប្លន់ដណ្តើយកទ្រព្យសម្បត្តិជាប់ខ្លួនអស់តែម្តង។

សម្ភារះដែលបាត់បង់រួមមាន៖ ខ្សែកមាស1ខ្សែ ទម្ងន់មួយតម្លឹង, ខ្សែដៃមាស02តម្លឹងមួយខ្សែ, ខ្សែកប្លាទីនចំនួន 3ខ្សែស្មើ4តម្លឹង7ជី, ចិញ្ជៀនត្បូង01វង់ ចិញ្ជៀនប្លាទីន02វង់, ទូរសព្ទ័ដៃចំនួន04គ្រឿងអិនចុចពិល03គ្រឿងអាយហ្វូន5Sចំនួន01គ្រឿង ។

នៅព្រឹកថ្ងៃទី៧ ខែធ្នូ ឆ្នាំ២០១៥នេះដែរសមត្ថកិច្ចនគរបាលនិងកងរាជអាវុធហត្ថស្រុកខេត្តកំពុងធ្វើការស្រាវជ្រាវដើម្បីស្វែងរកចាប់ខ្លួនក្រុមចោរទាំងនោះយកមកផ្តន្ទាទោសតាមច្បាប់។ ដោយឡែកក្រុមជនរងគ្រោះត្រូវបានក្រុមគ្រួសារបញ្ជូនទៅសង្រ្គោះនៅមន្ទីរពេទ្យឯក្រុងភ្នំពេញក្រោយកើតហេតុប៉ុន្មាននាទីកំពុងសំរាកព្យាបាលក្រោយការជួយសង្រ្គោះពីក្រុមគ្រូពេទ្យ៕

ដោយ៖ សេនាស័ក្តិ