ខេត្តមណ្ឌលគិរី ៖ បុរសម្នាក់បានស្លាប់ ពេលដឹកឈើលើម៉ូតូក៏ដួលសង្កត់ពីលើ កាលពីវេលាម៉ោង ៣និង៣០នាទីរសៀលថ្ងៃពុធ ៣ រោច ខែបុស្ស ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៣ មករា ឆ្នាំ២០១៩ ស្ថិតត្រង់ចំណុចអូរលែក្នុងភូមិអូរហូច ឃុំសែនមនោរម្យ ស្រុកអូររាំង ខេត្តមណ្ឌលគិរី ។ក្រោយមក ក៏បានបញ្ជូនទៅសង្គ្រោះនៅមន្ទីរពេទ្យប្រទេសវៀតណាមបាន២ថ្ងៃ ទើបជនរងគ្រោះស្លាប់នៅ ព្រឹកថ្ងៃទី២៥ខែមករា ឆ្នាំ២០១៩។
ប្រភពពីមន្ត្រីនគរបាលស្រុកអូររាំង បានឲ្យដឹងថា ជនរងគ្រោះខាងលើ ឈ្មោះខុម សុខា ភេទប្រុស អាយុ២៦ឆ្នាំ ជាកសិករ មានទីលំនៅភូមិឡាប៉ាខេ ឃុំ ស្រែខ្ទុម ស្រុកកែវសីមាករណីនេះ គឺបង្កឡើងដោយខ្លួនឯងខណៈដឹកឈើតាមម៉ូតូក៏ដួលសង្កត់ពីលើ បណ្តាលឱ្យរងរបួសយ៉ាងធ្ងន់ធ្ងរ
សមត្ថកិច្ចបានកត់សម្គាល់ឃើញថា គ្រោះថ្នាក់ចរាចរណ៍ខាងលើ គឺបានកើតឡើងជាញឹកញាប់ខ្លាំងណាស់ ខណៈដែលកំពុងមានដឹកជញ្ជូនឈើធំៗតាមម៉ូតូបែបនេះ ៕
សហការី
