ដោយសារតែពលរដ្ឋរស់នៅតិច ហើយកាន់តែតិចទៅពីមួយទៅមួយថ្ងៃ មន្ត្រីស្រុក ស្រុក Locanaនិងស្រុក Borgomezzavalle ក្នុងប្រទេសអីតាលីបានប្រកាសថា និងផ្តល់ប្រាក់រង្វាល់ ក៏ដូចជាលក់ផ្ទះឲ្យរស់នៅក្នុងតម្លៃតែ ១អឺរ៉ូប៉ុណ្ណោះ។
មន្ត្រីរដ្ឋាភិបាល ស្រុក Locana ក្នុងតំបន់ Piedmont ភាគឦសាននៃប្រទេសអ៊ីតាលី បានប្រកាសថានឹងផ្តល់ប្រាក់ប្រមាណជាង១ម៉ឺនដុល្លារ ដល់គ្រួសារណាដែលបានមកតាំងទីលំនៅទីនេះ។
អភិបាលស្រុក Locana លោក Giovanni Bruno Mattiet បានឲ្យដឹងថា ប្រាក់រង្វាន់ខាងលើ នឹងត្រូវចំណាយសម្រាប់រយៈពេល៣ឆ្នាំ ដោយមានលក្ខណ្ឌ គូស្វាមីភរិយាមកនៅស្រុកតូចមួយលើភ្នំ Alps ហើយត្រូវតែបង្កើតកូនឲ្យបានម្នាក់។
សារព័ត៌មាន CNN បានដកស្រង់សម្តីលោក Mattiet បញ្ជាក់ថា«ពលរដ្ឋនៅក្នុងស្រុកនេះធ្លាក់ចុះជាបន្តបន្ទាប់ ដោយផ្លាស់ទីលំនៅទីកាន់តំបន់ផ្សេងដើម្បីរកការងារធ្វើ។ សាលារៀននៅទីនោះប្រឈមនិងការបិទទ្វារ ដោយមានសិស្សទៅរៀនតិចពេក»។
ចំណែកស្រុកនៅក្បែរនោះដែរគឺស្រុក Borgomezzavalle ក៏មានពលរដ្ឋប្រមាណតែ៣២០នាក់ប៉ុណ្ណោះ ក៏បានប្រកាស់ផ្តល់ប្រាក់រង្វាល់ដល់គូស្វាមីភរិយាណាមករស់នៅទីនេះ ហើយបង្កើតកូនចៅ បានច្រើននោះ។ អភិបាលស្រុក ខាងលើឈ្មោះ Alberto Preioni បានលើកឡើងថា «រាល់ពលរដ្ឋណាមករស់នៅបង្កើតមុខរបបនៅទីនេះ នឹងទទួលបានប្រាក់រង្វាន់ កាត់បន្ថយពន្ធ និងទិញផ្ទះនៅលើភ្នំមានតម្លៃតែ១ អឺរ៉ូប៉ុណ្ណោះក្នុងផ្ទះមួយខ្នងដើម្បីរស់នៅ ៕
