វិបត្តិ អាកាសចរណ៍ China Airlines ​មិនទាន់អាចរកដំណោះស្រាយ​ អ្នកដំណើរជាង ១៣០០បន្តជាប់គាំ

ចែករំលែក៖

អ្នកដំណើរជាច្រើន​បន្តជាប់គាំង ដោយសារតែ ការធ្វើបាតុកម្ម​ឈានចូលថ្ងៃទី​៣ហើយរបស់ក្រុមអាកាសយានិក និងពហុនិការ ទាមទាឲ្យក្រុមហ៊ុន China Airline ផ្តល់ប្រាក់ថែមម៉ោង និង បំណាច់ឆ្នាំដល់ បុគ្គលិក ។ ដំណោះស្រាយ មិនទាន់ធ្វើឲ្យក្រុមអាកាសយានិកស្ងប់ចិត្ត នៅឡើយចាប់តំាងពីថ្ងៃអាទិត្យ មកទល់ពេលនេះ ក្រុមអាកាសយានិករបស់ក្រុមហ៊ុនអាកាសចរណ៍​​China Airline បន្តធ្វើបាតុកម្ម ឈានចូលថ្ងៃទី៣​ហើយ ។ ក្រុមអាកាសយានិក បានប្តេជ្ញាបន្តធ្វើបាតុកម្មទៀត បើទោះបីមានការលុបចោលជើងហោះហើរ និងរាំងស្ទះអ្នកដំណើរតាមផ្លូវអាកាសយ៉ាណាក៏ដោយ ។
ចំណែក ក្រុមហ៊ុនអាកាសចរណ៍​China airline បានបញ្ជាក់ថា ពួកគេខិតខំចរចារកដំណោះស្រាយឲ្យបានឆាប់ៗផងដែរ ប៉ុន្តែថា អ្វីដែលក្រុម ភីឡុត កំពុងទាមទារនោះ គឺមិនដូចគ្នា នឹងអ្វីដែលបានលើកឡើងជាសាធារណៈនេះទេ ។

ក្រុមអាកាសយានិកប្រមាណ១,៣០០នាក់ ដែលមានសហជីពដឹកនាំត្រឹមត្រូវនោះ បានធ្វើបាតុកម្មទាមទារក្រុមហ៊ុនគោរពច្បាប់ការងារ ទាមទារប្រាក់ថែមម៉ោង និងប្រាក់បន្ថែមនៅពេលដំណាច់ឆ្នាំ ។ ពួកគេបានលើកឡើងថា ម្ចាស់ក្រុមហ៊ុន គ្មានភាពស្មោះត្រង់ ជិះជាន់លើកម្លាំងពលកម្មរបស់ពួកគេយ៉ាងធ្ងន់ធ្ងរ ។ បាតុកម្មនេះ ចាប់ផ្តើមកាលពីចុងសប្តាហ៍មុន រហូតមកដល់ដើមសប្តាហ៍នេះទៀត នៅមិនទាន់មានដំណោះស្រាយទេ ។

ជើងហោះហើរប្រមាណ៤៧ជើងត្រូវប្រកាសផ្អាកការហោះហើរបណ្តោះអាសន្ន ។ នេះបើតាមទីភ្នាក់ងារព័ត៌មានកណ្តាលតៃវ៉ាន់ ផ្សាយកាលពីថ្ងៃអាទិត្យ ។ ការលុបចោលជើងហោះហើរនេះ មានជើងហោះហើរទៅកាន់ទីក្រុងហុងកុង, បាងកក, ឡូស អេនចឺឡេស, ម៉ានីល និងតូក្យូជាដើម ។ យន្តហោះទាំងនេះចេញដំណើរពីអាកាសយានដ្ឋានអន្តរជាតិ Taoyuan ភាគខាងត្បូងទីក្រុងតៃបិ ។

ក្រុមហ៊ុនអាកាសចរណ៍ China Airlines របស់តៃវ៉ាន់នេះ បង្កើតឡើងក្នុងឆ្នាំ១៩៥៩ ជាក្រុមហ៊ុនដឹកជញ្ជូនអ្នកដំណើរតាមអាកាសធំលំដាប់ទី២ ដែលមានជើងហោះហើរប្រមាណ៨៨គ្រឿង ៕ សាធី

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print