ភ្នំពេញ៖ ប្ដីប្រពន្ឋ ០២នាក់ បានរងរបួសធ្ងន់ហើយត្រូវបានរថយន្តសាមុយដឹកយកទៅសង្គ្រោះភ្លាមៗ ខណះពេលដែលពួកគាត់កំពុងជិះម៉ូតូ ហើយត្រូវបានរថយន្តក្រឡុកសុីម៉ង់បើកមកពីក្រោយប៉ះដៃចង្កូតបណ្ដាលឲ្យដួលនិងខ្ទៀតចូលក្រោមរថយន្តតែម្ដង ។

ហេតុការណ៍គ្រោះថ្នាក់ចរាចរណ៍ខាងលើនេះបានបង្កឲ្យមានការកក់ស្ទះចរាចរណ៍លើដងផ្លូវ និងភ្ញាក់ផ្អើលដល់ប្រជាពលរដ្ឋ កាលពីវេលាម៉ោង១៨ និង៤០ នាទីយប់ ថ្ងៃទី៨ ខែធ្នូ ឆ្នាំ២០១៥ នៅចំណុចមុខសាលារៀនឯកជនមួយ តាមបណ្ដោយផ្លូវជាតិលេខ ១ ស្ថិតក្នុងភូមិដើមអំពិល សង្កាត់ច្បារអំពៅ១ ខណ្ឌច្បារអំពៅ ។

ប្រពភព័ត៌មានពីប្រជាពលរដ្ឋដែលនៅនិងកន្លែងកើតហេតុបានឲ្យដឹងថា មុនពេលកើតហេតុគេឃើញមានរថយន្តក្រឡុកសុីម៉ង់ដ៏មួយគ្រឿង ពណ៌លឿងលាយស ពាក់ស្លាកលេខភ្នំពេញ 5A.1159 បើកបរដោយបុរសម្នាក់ ទិសដៅពីកើតទៅលិចក្នុងល្បឿនលឿន ខណះមកដល់ចំណុចកើតហេតុ ក៏បានទាក់ដៃចង្កូតជាមួយម៉ូតូមួយគ្រឿងម៉ាក ស្មាក់វី ពណ៌ខ្មៅ ពាក់ស្លាកលេខភ្នំពេញ 1BY.9242 ដែលជិះដោយ ប្ដី ប្រពន្ឋ ពីរនាក់ ទិសដៅស្របគ្នា ក្នុងល្បឿនល្មម ភ្លាមនោះរថយន្តបង្កបានបើកមកពីក្រោយ ក៏ប៉ះដៃចង្កូតជាមួយម៉ូតូ បណ្ដាលឲ្យម៉ូតូខ្ទៀតចេញពីរថយន្ត ហើយប្ដីប្រពន្ឋ ទាំងពីរនាក់ ជាជនរងគ្រោះជិះលើម៉ូតូនោះបានខ្ទៀតចូលក្រោមរថយន្តបង្កតែម្ដង បណ្ដាលឲ្យប្រពន្ឋបាក់ដៃ បាក់ជើង និងប្ដីបាក់ជើង រងរបួសធ្ងន់ធ្ងរ ភ្លាមៗជនរងគ្រោះប្ដីប្រពន្ឋទាំងពីរនាក់ ត្រូវបានរថយន្តសាមុយដឹកយកទៅសង្គ្រោះភ្លាមៗ ។

ក្រោយពេលកើតហេតុអ្នកបើករថយន្តបង្កបានបើកទ្វារ ចុះរត់គេចខ្លួនបាត់ស្រមោលសូន្យឈឹងតែម្ដង ក្រោយមកទើបមានសមត្ថកិច្ចមូលដ្ឋាននិងជំនាញចុះមកអន្តរាគមន៍ និងធ្វើការវាស់វែង យករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌច្បាអំពៅ រងចាំដោះស្រាយតាមនីតិវិធីច្បាប់ ៕

ដោយ៖ ភារ៉ា ដង្កោ