ខេត្តសៀមរាប: យុវជនម្នាក់សង្ស័យប្រើប្រាស់ថ្នាំញៀនជ្រុលបានយកកាំបិតចុងស្រួច ដងដែកមកអារ.កខ្លួនឯង ស្លាប់យ៉ាងអាណោចអាធ័ម ហេតុការណ៍នេះបានកើតឡើងនៅវេលាម៉ោង ៥និង១០នាទីល្ងាចថ្ងៃអាទិត្យ ៥កើត ខែផល្គុន ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី១០ ខែមីនា ឆ្នាំ២០១៩ ស្ថិតនៅចំណុចក្នុងវត្តព្រះព្រហ្មរ័ត្ន ភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប ។
មន្ត្រីនគរបាលក្រុងសៀមរាបបានឲ្យដឹងថា សាកសពឈ្មោះ ពេជ្រ សុខសម្បត្តិ ភេទប្រុស អាយុ ៣៦ឆ្នាំ មុខរបរគ្មាន មានទីលំនៅបច្ចុប្បន្ន ភូមិសាលាកន្សែង សង្កាត់ស្វាយដង្គំ ក្រុង-ខេត្តសៀមរាប។បុរសនេះ បានដើរចូលទៅក្នុងវត្តព្រះព្រហ្មរ័ត្នហើយនៅសុខៗស្រាប់តែ យកកាំបិតចុងស្រួច ដងដែកមកអារក ខ្លួនឯង មានស្នាមអារដាច់បំពង់មានប្រវែង០.២៥ស-មស្លាប់ភ្លាមៗនៅកន្លែងកើតហេតុដែលកាំបិតនេះមិនដឹងយកមកពីណានោះទេ។
ក្រោយមកសមត្ថកិច្ចការិយាល័យបច្ចេកទេស ចុះមកពិនិត្យសាកសពជនរងគ្រោះ ឃើញថាជនរងគ្រោះបានអារករដោយខ្លួនឯងពិតប្រាកដមែន មិនមានពាក់ព័ន្ធបទល្មើសអ្វីឡើយ ពីព្រោះមានសាក្សីខ្លះបញ្ជាក់ថាជនរងគ្រោះជាមនុស្សប្រើប្រាស់គ្រឿនញៀន។ ចំពោះសាកសពជនរងគ្រោះត្រូវបានប្រគល់ជូនឪពុកម្តាយ និងក្រុមគ្រួសារយកទៅធ្វើបុណ្យតាមប្រពៃណី ៕
