ខេត្ដស្វាយរៀង៖ ជាងផ្សារដែកពីរ នាក់បានប្រទះឃើញសពបុរសម្នាក់នៅ ក្នុងចម្ការព្រៃកូនគគីរដែលមានត្រញំងខណៈពួកគេដើរទៅដាក់បង្គៃយកត្រីកាលពីវេលាម៉ោងជាង១២រំលងអធ្រាត្រ ថ្ងៃទី១១ ខែធ្នូ ឆ្នាំ២០១៥ នៅភូមិ ត្រញំងថ្លុង សង្កាត់បាទី ក្រុងបាវិត ខេត្ដ ស្វាយរៀង ។
នគរបាលមូលដ្ឋានឱ្យដឹងថា សាក សពជនរងគ្រោះមានសភាពហើមស្អុយ ទៅហើយៗពុំមានអ្នកណាម្នាក់ស្គាល់ អត្ដសញ្ញាណជនរងគ្រោះនោះទេ*។ ជន រងគ្រោះមានអាយុប្រហែល៣០ឆ្នាំ ពាក់ អាវយឺតវាលកដៃខ្លី ខោខ្លីត្រឹមជង្គង់ និង នៅដៃខាងឆ្វេងមានចងអំបោះពណ៌ ក្រហម ។
នគរបាលបញ្ជាក់ថា នៅជុំវិញសព ជនរងគ្រោះមានស្បែកជើងផ្ទាត់១គូ, ដបទឹកសុទ្ធចំនួន១៧ដប ។
នៅកន្លែងកើតហេតុគេបានសន្និដ្ឋាន ផ្សេងៗគ្នាថា ជនរងគ្រោះអាចជាជន អណាថា ហើយការស្លាប់នេះអាច បណ្ដាលមកពីដាច់អាហារ ខ្យល់គរដួល ចូលទឹកលង់ស្លាប់ ។ យ៉ាងណាក៏ដោយ ករណីនេះសមត្ថកិច្ចក្រុងបាវិតបាននឹង កំពុងពិនិត្យសាកសពហើយមន្ដ្រីនគរ បាលជំនាញនៅមិនទាន់សន្និដ្ឋានចំពោះ ការស្លាប់របស់ជនរងគ្រោះដោយសារ មូលហេតុអ្វីនៅឡើយទេ ។
តាមការសន្និដ្ឋានពីសមត្ថកិច្ចឱ្យដឹង ដែរថា សពជនរងគ្រោះអាចស្លាប់ក្នុង រយៈពេល២ថ្ងៃមកហើយ ទើបបណ្ដាល ឱ្យមានសភាពហើម ធុំក្លិនស្អុយបែប នេះ ។
បច្ចុប្បន្នសាកសពជនរងគ្រោះ សមត្ថកិច្ចគ្រោងនឹងដឹកយកទៅតម្កល់ ទុកនៅវត្ដក្នុងភូមិខាងលើនេះដើម្បីអំពាវ នាវរកក្រុមគ្រួសារ តែមិនទុកយូរប៉ុន្មាន ទេនឹងត្រូវបូជា ព្រោះសាកសពមិនអាច រក្សាទុកបានឱ្យហួសពីថ្ងៃទី១១ ធ្នូ ឡើយ ៕
ដោយ៖ យឹម សុថាន
