Update: សមត្ថកិច្ចបំបែកក្រុមចោរប្រដាប់អាវុធ ចាប់ខ្លួនប្រុស ស្រី៦នាក់ បាញ់សម្លាប់២នាក់

ភ្នំពេញ៖ បន្ទាប់ពីក្រុមចោរប្លន់មានគ្នា៤នាក់ បានធ្វេីសកម្មភាពបាញ់ប្លន់យកម៉ូតូមួយគ្រឿងបានសម្រេចនៅខណ្ឌទួលគោកព្រឹកមិញនេះ គេឃេីញកម្លាំងសមត្ថកិច្ចបានចុះប្រតិបត្តិការភ្លាម ដោយធ្វេីការស្រាវជ្រាវ រហូតឈានទៅដល់ការឃាត់ខ្លួនជនសង្ស័យ២នាក់ និងដកហូតបានម៉ូតូ២គ្រឿង ក្នុងនោះមានម៉ូតូជនរងគ្រោះដែលពួកវាទេីបនិងប្លន់បានយកមកលាក់ទុក ។

គួរបញ្ជាក់ផងដែរថា ករណីបាញ់ប្លន់ប្រដាប់អាវុធនេះ បានកេីតឡេីងកាលពីវេលាម៉ោង៥និង១៥នាទីព្រឹក ថ្ងៃទី១១ ខែធ្នូ ឆ្នាំ២០១៥នេះ តាមបណ្ដោយផ្លូវលេខ៥៩៨ សង្កាត់បឹងកក់ទី២ ខណ្ឌទួលគោក ។

ជនរងគ្រោះឈ្មោះឌិន តារ៉ារិទ្ធិ ភេទប្រុស អាយុ២១ឆ្នាំ មុខរបរជាកម្មករក្រណាត់ ស្នាក់ផ្ទះលេខ២២B ផ្លូវលេខ៥៩៨ សង្កាត់បឹងកក់ទី២ ខណ្ឌទួលគោក ជិះម៉ូតូមួយគ្រឿង ម៉ាកហុងដា សេ១២៥ ពណ៌ខ្មៅ សេរីឆ្នាំ២០១៥ ពាក់ស្លាកលេខ ភ្នំពេញ 1CR-0063 ត្រូវក្រុមចោរប្លន់បានសម្រេច ។

តាមប្រភពព័ត៌មានពីសាក្សីនៅកន្លែងកេីតហេតុ បានឲ្យដឹងថា គេឃេីញជនរងគ្រោះម្នាក់ កំពុងតែជិះម៉ូតូចេញពីក្លិបនៅក្នុងទឹកដីខណ្ឌសែនសុខ  ហេីយស្រាប់តែលេខមុខជនសង្ស័យមួយក្រុមមានគ្នា៤នាក់ ជិះម៉ូតូ២គ្រឿងមួយគ្រឿងជាម៉ូតូធុនធំមិនស្គាល់ម៉ាកនិង មួយគ្រឿងម៉ាក ស្កុបពី បានជិះតាមកៀរជនរងគ្រោះរហូតមកតាមផ្លូវលេខ៥៩៨ តែជនរងគ្រោះមិនឲ្យដោយព្យាយាមជិះម៉ូតូរត់គេចខ្លួនមកដល់មុខផ្ទះ ដែលខ្លួនធ្វេីការនោះ ស្រាប់តែជនសង្ស័យបានដកកាំភ្លេីងបាញ់ចំក្បាល ជនរងគ្រោះមួយគ្រាប់បណ្ដាលឲ្យស្លាប់ភ្លាមៗនៅនឹងកន្លែងកេីតហេតុតែម្តង  រួចយកម៉ូតូរបស់ជនរងគ្រោះជិះគេចខ្លួនដោយសុវត្ថិភាព ។

ក្រោយកេីតហេតុកម្លាំងសមត្ថកិច្ចចម្រុះខណ្ឌទួលគោក បានចុះដល់កន្លែងកេីតហេតុដេីម្បីធ្វេីការស្រាវជ្រាវរកមុខសញាក្រុមចោរប្លន់ទាំងនោះ រហូតមកដល់ម៉ោង៩ព្រឹកថ្ងៃដដែរ កម្លាំងកងរាជអាវុធហត្ថខណ្ឌទួលគោក ស្វែងរកចាប់បានពីរនាក់ និងដកហូតបានម៉ូតូ២គ្រឿង ដោយមួយគ្រឿងម៉ាក់ ហុងដា MSX ពណ៍ស ពាក់ស្លាកលេខភ្នំពេញ 1FH-7905 ជារបស់ជនសង្ស័យ និងមួយគ្រឿងទៀតម៉ាកហុងដា សេ១២៥ ពណ៌ខ្មៅ សេរីឆ្នាំ២០១៥ ពាក់ស្លាកលេខ ភ្នំពេញ 1CR-0063(ជារបស់ជនរងគ្រោះ)។  ចំណែកឯបក្ខពួកជនសង្ស័យដែលនៅសល់កម្លាំងអាវុធហត្ថកំពុងស្វែងរកចាប់ខ្លួនជាបន្តបន្ទាប់ ។ ហេីយជនសង្ស័យទាំងអស់នេះ សមត្ថកិច្ចសន្និដ្ឋានថា ពួកគេគឺជាក្រុមចោរដែលបានបាញ់សម្លាប់ជនរងគ្រោះម្នាក់ទៀតកាលពីវេលាម៉ោង០១និង៣០នាទីរំលងអាធ្រាត្រឈានចូលថ្ងៃទី៩ ខែធ្នូ ឆ្នាំ ២០១៥ នៅចំណុចផ្លូវ៥២៨ កែង៦០៨ ស្ថិតក្នុងសង្កាត់ បឹងកក់១ ខណ្ឌទួលគោកនេះដែរ  ។

បច្ចុប្បន្នសពជនរងគ្រោះត្រូវបានក្រុមគ្រួសារដឹកយកទៅធ្វេីបុណ្យនៅវត្តទឹកថ្លាតាមប្រពៃណី ៕

ដោយ៖ ស ដារ៉ា