ប្រធានាធិបតីរុស្ស៊ីលោកវ៉្លាឌឺមៀពូទីនបានជួបពិភាក្សាជាមួយសមភាគីប្រេស៊ីលលោកស្រីDilma Rousseff កាលពីថ្ងៃទី៨ខែកក្កដា ស្តីអំពីបរមាណូស៊ីវិល។
លោកពូទីនបានអំពាវនាវឲ្យប្រើប្រាស់រូបិយវត្ថរបស់ប្រទេសទាំងពីរក្នុងការដោះដូរពាណិជ្ជកម្មនិងជម្រុញឲ្យមានគម្រោងជាច្រើនទៀតក្នុងនោះមានបច្ចេកវិទ្យាអាវកាសនិងអាកាសចរណ៍។
រដ្ឋមន្ត្រីការបរទេសប្រេស៊ីលលោកMauro Vieira បានបញ្ចាក់ផងដែរថាទំនាក់ទំនងរវាងរុស្ស៊ីនិងប្រេស៊ីលមានចំណុចវិច្ចមានជាច្រើនពិសេដនៅក្នុងវិស័យថាមពលបរមាណូ។លោកបន្តទៀតថា«កិច្ចសហប្រតិបត្តិការក្នុងវិស័យថាមពលគឺជារឿងសំខាន់បំផុត។នៅពេលនេះក្រុមហុនថាមពលរុស្ស៊ីGazprom និងក្រុមហ៊ុនRosneft កំពុងតែដំណើរការនៅក្នុងប្រទេសប្រេស៊ីលស្រាប់ហើយ។
នៅពេលនេះទីក្រុងUfa របស់រុស្ស៊ីបានរៀបចំកិច្ចប្រជុំកំពូងនៃសមាគម៍BRICS មានប្រទេសប្រេស៊ីល រុស្ស៊ី ឥណ្ឌា ចិននិងអាហ្វ្រិកខាងត្បូង។ រុស្ស៊ីបានជម្រុញកិច្ចសហប្រតិបត្តិការជាមួយបណ្តាលប្រទេសនៅក្នុងBRICS ក្រោយពេលដែលរុស្ស៊ីប្រឈមនឹងការដាក់ទណ្ឌកម្មពីប្រទេសលោកខាងលិច ពាកព័ន្ធវិបត្តិអ៊ុយក្រែន៕
