បុរសម្នាក់ត្រូវចោភ្ជង់ប្លន់យកចិញ្ចៀនមាសមួយវង់ស្រែកផ្អើលគេពេញផ្សារឆ្នាំង

ចែករំលែក៖

ខេត្តកំពង់ឆ្នាំង ៖ ហេតុការណ៍​ភ្ញាក់ផ្អើល​មួយ​បាន​កើត​ឡើង ដោយសារ​បុរស​ម្នាក់​បានស្រែកឆោឡោថា​ ខ្លួន​ត្រូវ​បាន​ជន​មិន​ស្គាល់​មុខ​ភ្ជង់​ប្លន់​យក​ចិញ្ចៀន​មាស​មួយ​វង់។

ករណី​ខាង​លើ​នេះ​បាន​កើតឡើង​នៅ​វេលា​ម៉ោង​ ​១០ ​និង​១៥​នាទីព្រឹក ​ថ្ងៃ​ទី​៩ ខែ​កក្កដា ​ឆ្នាំ​២០១៥ នៅ​ចំណុច​ត្រង់​ស្ថានីយ​បូម​ទឹក​ខាងមុខ​វត្ត​យាយ​ទេព ​ស្ថិត​ក្នុង​ភូមិ​ផ្សារឆ្នាំង​ សង្កាត់​ផ្សារ​ឆ្នាំង ​ក្រុង​កំពង់ឆ្នាំង។

បុរស​ដែល​បានស្រែកថា ​មាន​គេ​ភ្ជង់​ប្លន់​យក​មាស​ ​ឈ្មោះ​តូន នៅ អាយុ​៥៨​ឆ្នាំ មាន​ទីលំនៅ​ក្នុង​ភូមិ​ស្រែព្រីង ​សង្កាត់​កំពង់ឆ្នាំង ​ក្រុង​កំពង់ឆ្នាំង​ មានមុខ​របរកសិករ។

តាមសម្ដីរបស់ជនរងគ្រោះបានរៀបរាប់ថា ​នៅ​មុន​ពេល​កើតហេតុ​ គាត់​បាន​ជិះ​ម៉ូតូ​យក​ផ្លែឈើ​ដែល​បាន​ទិញ​ពី​ផ្សារ​ទៅ​ផែ​កាណូត​ផ្សា​ក្រោម​ ដើម្បី​ផ្ញើ​ទៅ​ឲ្យ​ប្រពន្ធ​នៅ​ឯ​ភូមិ​ប្រឡាយ​មាស។ លុះ​ពេល​ដែល​គាត់​ជិះ​ម៉ូតូ​ត្រឡប់​មក​ផ្ទះ​វិញ ​ស្រាប់​តែ​មាន​បុរស​មិន​ស្គាល់​មុខ​ម្នាក់ ​ជិះ​ម៉ូតូ​តាម​ក្រោយ​គាត់​ ដោយ​បាន​ហៅ​ឲ្យ​ឈប់​នៅ​ចំណុច​កើតហេតុ​ខាងលើ​ ដើម្បី​ឲ្យ​គាត់​ចូល​ទៅ​ក្នុង​វត្ត​សួរ​រក​កន្លែង​គ្រូ​ត​ឆ្អឹង​បាក់​ ។​ពេលនោះ​គាត់​ក៏បាន​ឈប់​ម៉ូតូ​ ស្រាប់​តែ​លេច​មុខ​ជន​មិន​ស្គាល់​មុខ​២​ទៅ​៣​នាក់​ទៀត មាន​ស្លៀកពាក់​ឯកសណ្ឋាន​នគរបាល​បាន​ស្ទុះ​យក​កាំភ្លើង​មក​ភ្ជង់ ​ខ្លះ​ដោះ​ចិញ្ចៀន​គាត់ ​និង​ខ្លះ​ទៀត​ដក​សោ​ម៉ូតូ ​ហើយ​បាន​នាំ​គ្នា​ឡើង​ជិះ​ម៉ូតូ​៣​គ្រឿង​គេចខ្លួន​ចេញ​ឡើង​ទៅ​ផ្សារ​លើ​បាត់​តែម្ដង។ បន្ទាប់ពីជនសង្ស័យបានគេចខ្លួបបាត់អស់ រូបគេក៏បានជិះម៉ូតូមកដល់ផ្សារឆ្នាំង ហើយក៏បានស្រែកឆោ​ឡោឲ្យប្រជាពលរដ្ឋ និងសមត្ថកិច្ចជួយចាប់ជនសង្ស័យ និ​ងយកចិញ្ចៀនឲ្យគេវិញផង។

បន្ទាប់ពីបានស្ដាប់សម្ដីរបស់ជនរងគ្រោះ​រួចមក​អធិការ​នគរបាល​ក្រុង​កំពង់ឆ្នាំង ក៏​បាន​ចេញ​តាម​គោលដៅ​ស្ទាក់​រកមុខ​សញ្ញា ​។ ប៉ុន្តែទោះជាយ៉ាងណា តាម​ការ​សន្និដ្ឋាន​របស់​សមត្ថកិច្ច​ បាន​កំណត់ថា​រឿងនេះ​ជា​រឿង​ករណីឆបោកដើម្បីយក​លុយ​ និង​សម្ភារមួយ​ចំនួនពីជនរងគ្រោះ ដោយប្រើល្បិតជិះ​តាម​សួ​រ​រក​កន្លែង​គ្រូ​សម្រាប់​ត.​ឆ្អឹង​បាក់​ ហើយបក្ខពួក​របស់​ពួក​ជនល្មើស​ចេញ​មក​គាបស៊ី​ដូច​ប្លន់​តែម្ដង​ ពីព្រោះករណីបែបនេះ ក៏ធ្លាប់កើតមានដែរកាលពី២​ទៅ​៣​ឆ្នាំមុន ដែលក្រោយ​ពេល​ធ្វើ​សកម្មភាព​រួច ​ជិះ​ម៉ូតូ​គេច​ខ្លួន​បាត់៕  សហការី

Pisey-2015-07-09-full-K5

New Picture (1)

Pisey-2015-07-09-full-K1

Pisey-2015-07-09-full-K


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print