ខេត្តឧត្តរមានជ័យ ៖ ក្រោយពីមានភ្លៀងធ្លាក់ លាយឡំនិងខ្យល់កន្រ្ដាក់ ចំនួនពីរថ្ងៃជាប់គ្នាបណ្ដាលអោយ ផ្ទះប្រជាពលរដ្ឋ៥០ ខ្នងបានរងការខូចខាត។ ហេតុការណ៍បានកើតឡើងកាលពីល្ងាចថ្ងៃទី២២,២៣ ខែមីនា ឆ្នាំ២០១៩ ក្នុងស្រុកចំនួន២ គឺស្រុក បន្ទាយអំពិល និងស្រុកត្រពាំងប្រាសាទ ខេត្តឧត្ដរមានជ័យ។
លោកអិនកាយអធិការស្រុកត្រពាំងប្រាសាទបានឱ្យដឹងថាកាលពីវេលាម៉ោង៦និង៣០នាទីល្ងាចថ្ងៃទី២២ខែមីនាឆ្នាំ២០១៩អាកាសធាតុ មេឃភ្លៀងធ្លាក់លាយឡំនិងខ្យល់កន្ត្រាក់លើភូមិត្រាំប៉ោង ឃុំព្រះប្រឡាយស្រុកត្រពាំងប្រាសាទបានបក់បោកបណ្តាលឱ្យរលំផ្ទះប្រជាពលរដ្ឋអស់ចំនួន១១ខ្នងផ្ទះ។
ក្នុងនោះមានមួយខ្នង ត្រូវបានរងការ ដូលរលំខូចខាតទាំងស្រុង។
លោកឃុនភិនអធិការស្រុកបន្ទាយអំពិលបានឱ្យដឹងថានៅវេលាម៉ោង៧និង៣០នាទីយប់ថ្ងៃទី២៣ខែមីនាឆ្នាំ២០១៩មានភ្លៀងធ្លាក់ខ្យល់កន្ត្រាក់បណ្តាលឱ្យខូចខាតផ្ទះពលរដ្ឋនៅក្នុងស្រុកបន្ទាយអំពិលលើឃុំចំនួនបីសរុបចំនួន៣៥ខ្នងផ្ទះ។រួមមាន៖ឃុំគោកមនចំនួន៥ខ្នងផ្ទះ។ឃុំបេងចំនួន១៨ខ្នងនិងឃុំអំពិលចំនួន១៣ខ្នងផ្ទះ។
ក្នុងនោះផ្ទះធ្លាក់ពីជើងតាង,របើកដំបូលផ្ទះ,របើកសំយាបផ្ទះ,របើកជញ្ជាំងផ្ទះនិងខូចខាតដំបូលសាលារៀនផងដែរ។
គួររំលឹកថាក្រសួងធនធានទឹកនិងឧតុនិយមកាលពីថ្ងៃទី២១ខែមីនាបានជូនដំណឹងបន្ថែមស្តីពីស្ថានភាពអាកាសធាតុថាសម្ពាធទាបរុញមកពីភាគខាងលិចនិងនិរតីជួបប្រសព្វនឹងសម្ពាធខ្ពស់នៅតំបន់ខ្ពង់រាបភាគខាងជើងរបស់កម្ពុជាបង្កឲ្យមានភ្លៀងកក់ខែ។
ក្នុងរង្វង់ពីថ្ងៃទី២២ដល់ថ្ងៃទី២៥ខែមីនានៅលើខេត្តព្រៃវែងស្វាយរៀងត្បូងឃ្មុំកំពង់ចាមកណ្តាលកំពង់ស្ពឺតាកែវកំពង់ធំកំពង់ឆ្នាំងពោធិសាត់និងរាជធានីភ្នំពេញ។និងអំឡុងពីថ្ងៃទី២៣ដល់២៥ខែមីនា អាចនឹងមានភ្លៀងធ្លាក់នៅខេត្តសៀមរាប បាត់ដំបង,ប៉ៃលិនបន្ទាយមានជយ័,ឧត្តរមានជ័យ និងខេត្តព្រះវិហារ ៕ ប៉ែននួន
