ខេត្តកំពង់ធំ៖ ហេតុការណ៍គ្រោះថ្នាក់ចរាចរណ៏មួយ បានកើតឡើងនៅវេលាម៉ោង១០និង២៥នាទីថ្ងៃចន្ទ ៥រោច ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែមិនា ឆ្នាំ២០១៩  លើផ្លូវកំណាត់ផ្លូវជាតិលេខ៦ ចំណុចផ្លូវប្រសព្វរាងអក្សរY ភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ដោយរថយន្ត បុករថយន្ត ក្នុងទឹសដៅផ្ទុយគ្នា បណ្តាលអោយឲ្យរបួសធ្ងន់០១នាក់ ខូចខាត រថយន្ត០១គ្រឿង៕
សមត្ថកិច្ចបានអោយដឹងថា៖ រថយន្តបង្កម៉ាកហុិនដាយ ពណ៌ក្រហម ផ្លាកលេខតាកែវ3A.2009 របស់ក្រុមហ៊ុនស្រាបៀរអង្គរ (បើកបរទឹសដៅពីជើងទៅត្បូង) ដោយឈ្មោះ សេង.ដែន ភេទប្រុស អាយុ២៦ឆ្នាំ នៅភូមិអំពៅឌៀប ឃុំជ្រោយនាងនួន ស្រុកស្រីស្នំខេត្តសៀមរាប(មុខរបរបើកបររថយន្តក្រុមហ៊ុនស្រាបៀរអង្គរ)(របួសធ្ងន់)។
រថយន្តម៉ាកហុិនដាយ ពណ៌ស.ខៀវ ផ្លាកលេខភ្នំពេញ3D.2158 របស់ក្រុមហ៊ុនស្រាបៀរកម្ពុជា(បើកបរពីត្បូងទៅជើង) អ្នកបើកបរមិនស្គាល់អត្តសញ្ញាណ(គេចខ្លួន)។
មូលហេតុជាបឋម បង្កឡើងអ្នកបើកបររថយន្តស្រាបៀរអង្គរ បើកបរជៀស រថយន្តក្រុងដែលឈប់លើផ្លូវ ហើយជ្រុលចង្កូតទៅបុករថយន្តដឹកស្រាបៀរកម្ពុជា ដែលកំពុងចរាចរក្នុងគន្លងផ្លូវផ្ទុយទិស។
វត្ថុតាងរក្សាទុកនៅស្នងការដ្ឋាននគរបាលខេត្តកំពង់ធំ ធ្វើការដោះស្រាយតាមក្រោយ៕

ដោយ៖ ប៊ុនរិទ្ធី