នគរបាលចាប់ខ្លួនជនសង្ស័យ២នាក់ បន្ទាប់ពីឆក់យកកាបូបជនបរទេស នៅក្រុងបាត់ដំបង 

ចែករំលែក៖

ខេត្តបាត់ដំបងៈ បើយោងតាមរបាយការណ៍របស់ស្នងការដ្ឋាននគរបាលខេត្តបាត់ដំបងឱ្យដឹងថាកម្លាំងនគរ​បាល​ផែនការងារព្រហ្មទណ្ឌនៃស្នងការដ្ឋាននគរបាលខេត្តបាត់ដំបងសហការនិងកម្លំងនគរបាលក្រុងបាត់ដំបងបានធ្វើការស្រាវជ្រាវឃាត់ខ្លួនជនស័ង្សយចំនួន០២នាក់កាលពីថ្ងៃទី២៦ ខែមីនា ឆ្នាំ២០១៩ នៅក្នុងក្រុងបាត់ដំបងជាប់ពាក់ព័ន្ធប្រព្រឹត្តបទល្មើសឆក់កាបូបនិងទ្រព្យសម្បត្តិជនបរទេស។

ជនង្ស័យឈ្មោះ សេង វិចិត្រ ភេទប្រុស អាយុ ២២​ឆ្នាំ រស់នៅភូមិចំការ​សំ​រោង០២សង្កាត់ចំការសំរោង ក្រុងបាត់ដំបង ខេត្តបាត់ដំបង​និងឈ្មោះ​ សុគនិ្ទ​​ ធិន​ ភេទប្រុស​ អាយុ​ ៣៣​ ឆ្នាំ​រស់នៅភូមិអង់​ សង្កាត់អូរចារ​ ក្រុងបាត់ដំ​បង​ខេត្តបាត់ដំបង​ ដែលជនស័ង្សយខាងលើ បានធ្វេីសកម្មភាពឆក់ទ្រព្យសម្បត្តិជនបរទេសឈ្មោះJULIA  GREBENSTIN ភេទស្រី អាយុ ៣០ឆ្នាំ ជាជនជាតិអាល្លឺម៉ង់ កាលពីថ្ងៃទី​ ១៥​ ខែ​ មីនា​ ឆ្នាំ២០១៩​ និងឆក់ទ្រព្យ​សម្បត្តិរបស់​ប្រជាពលរដ្ឋខ្មែរឈ្មោះយ៉ន​ គឹមហ៊រ​ ភេទស្រីអាយុ​១៩ឆ្នាំរស់នៅភូមិស្វាយធំ​ ឃុំបឹងរាំង​ ស្រុកកំរៀង​ កាលពីថ្ងៃ២១​ខែ​ ​មីនា​ ឆ្នាំ​២០១៩ក្នុង​ក្រុងបាត់​ដំបង

សម្ភារ:ភស្តុតាងដកហូតបានរួមមានៈ
1-ម៉ូតូជិះធ្វេីសកម្មភាពចំនួន០១គ្រឿង
2-កុំព្យូទ័រចំនួន០១គ្រឿង
3-ម៉ាស៊ីននថតចំនួន០​១គ្រឿង
4-ទូរស័ព្ទដៃចំនួន០១គ្រឿង
5-លិខិតឆ្លងដែនចំនួន០១ច្បាប់​ និងសម្ភារ:មួយចំនួនទៀត។
លោកឧត្តមសេនីយ៍ត្រី​ ជេត​ វណ្ណនី​ ស្នងការរងទទួលផែនការងារព្រហ្មទណ្ឌ​បានបញ្ជាក់ថា​នៅមានមុខសញ្ញា សេសសល់ផ្សេងទៀតក្នុងករណីឆក់ទ្រព្យសម្បត្តិដែលលោកកំ​ពុង​តាមចាប់​ខ្លួនយកមកផ្តន្ទាទោស​ ។

ជនសង្ស័យ និងវត្ថុតាងពាក់ព័ន្ឋកំពុងកសាងសំណុំរឿងបញ្ជូនទៅសាលាដំបូងខេត្តបាត់ដំ​បងចាត់ការតាមផ្លូវច្បាប់ ៕ សំ វិច្ឆិកា


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print