ថាសត្វមាន់ទៅរំលោភមិនដឹងសាច់ញាតិឯង ចុះយើងជាឪពុកម៉េចក៏ចង់រំលោភកូនឯងចឹង?

ចែករំលែក៖

ភ្នំពេញ ៖ នគរបាលប៉ុស្តិ៍រដ្ឋបាលសង្កាត់ឃ្មួញបានឃាត់ខ្លួនបុរសម្នាក់ករណីរំលោភសេពសន្ថវៈ (ចាប់គំរាមរួមភេទជាច្រើនលើក) នៅចំណុចក្នុងផ្ទះលេខ៣៨ ផ្លូវ២០៩ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ កាលពីថ្ងៃទី២៦ ខែមីនា ឆ្នាំ២០១៩ វេលាម៉ោង០៧ និង៣០នាទី។

ជនសង្ស័យមានឈ្មោះ ភា សាម៉ឺន ភេទប្រុស អាយុ៤៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះ​លេខ ៣៨ ផ្លូវ២០៩ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ  (គ្មានសារធាតុញៀន) ។ រីឯជនរងគ្រោះឈ្មោះ ភ យ យ ភេទស្រី អាយុ១៦ឆ្នាំ ជានជាតិខ្មែរ មុខរបរនៅផ្ទះ ស្នាក់នៅផ្ទះលេខ៣៨ ផ្លូវ២០៩ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ ។

ប្រភពពីសមត្ថកិច្ចបានអោយដឹងថា មុនពេលកើតហេតុ ក្នុងឆ្នាំ២០០២ ជនសង្ស័យ និងប្រពន្ធ បានយកក្មេងស្រីរងគ្រោះ មកចញ្ចឹមធ្វើជាកូន  លុះនៅដើមឆ្នាំ២០១៨ មិនចាំថ្ងៃខែ ជនសង្ស័យបាននាំជនរងគ្រោះត្រូវជាកូន ចញ្ចឹមទៅនេសាទត្រី នៅបឹងទំនប់កប់ស្រូវ សង្កាត់គោករការ ខណ្ឌព្រែកព្នៅ ដោយមានសកម្មភាពស្ងាត់ជនសង្ស័យបានធ្វើសកម្មភាពគំរាមចាប់រំលោភជនរងគ្រោះ ជាច្រើនលើក រហូទដល់ថ្ងៃទី២២ ខែមីនា ឆ្នាំ២០១៩ ពេលព្រឹកជនសង្ស័យ បានធ្វើសកម្មភាពគំរាមចាប់រំលោភជនរងគ្រោះបន្តទៀត ហើយនៅថ្ងៃទី២៦ ខែមីនា ឆ្នាំ២០១៩ ពេលព្រឹកម៉ោងប្រហែល ០៧និង៣០នាទី ជនសង្ស័យបានធ្វើសកម្មភាពគំរាមចាប់រំលោភទៀត ប៉ុន្តែត្រូវជនរងគ្រោះរើបំរ៉ាស់ និងខាំដៃជនសង្ស័យរួចគេចខ្លួន រួចនិយាយប្រាប់ម្តាយរបស់ខ្លួនពីរឿងហេតុខាងលើ លុះព្រឹកឡើងថ្ងៃ ខែ ឆ្នាំដដែល ម្តាយក្មេងស្រីរងគ្រោះ បានមកដាក់ពាក្យបណ្តឹងនៅប៉ុស្តិ៍រដ្ឋបាលឃ្មួញ។

ក្រោយពីទទួលពាក្យបណ្តឹងពីម្តាយជនរងគ្រោះលោក ញាណ នន នាយនគរបាលប៉ុស្តិ៍ឃ្មួញបានបញ្ជាអោយមន្ត្រីរបស់លោកចុះទៅឃាត់ខ្លួនជនសង្ស័យ នៅចំណុចក្នុងផ្ទះរបស់ខ្លួន លេខ៣៨ ផ្លូវ២០៩ ភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។ ហើយកសាងសំណុំរឿងបញ្ជួនមកធ្វើការសាកសួបន្តនៅអធិការដ្ឋាននគរបាលខណ្ឌសែនសុខ ។

បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ តុង សីហា


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print