កម្លាំងទាហានអាកាសអាមេរិកទើបតែបានសាកល្បងគ្រាប់បែកបរមាណូ​B61ដែលផលិតតាំងពីសង្គ្រាមត្រជាក់​តែទើបអភិវឌ្ឍន៍ឡើងវិញឲ្យទៅជាគ្រាប់បែក​Mod 12 ហើយពេលនេះអាមេរិកក៏បានសាកល្បងនៅវាលខ្សាច់​Great Basin ស្ថិតនៅក្នុងរដ្ឋ​Mevada អាមេរិក។

គ្រាប់បែក​B61 ជាប្រភេទសព្វាវុធនាំមុខនៅក្នុងឃ្លាំងបរមាណូរបស់អាមេរិក​ចាប់តាំងពីបានផលិតឡើងនៅក្នុងសម័យសង្គ្រាមត្រជាក់ឆ្នាំ​1963។ គ្រប់បែកបរមាណូអាចទម្លាក់ចេញពីយន្តហោះចម្បាំងបំបាំងកាយ ​។គ្រាប់បែកខាងលើត្រូវបានកែច្នៃឲ្យមានការផ្ទុះដល់ទៅ​២ដង ។​ប៉ុន្តែចំណុចខ្យោយរបស់គ្រាប់បែកខាងលើគឺអាស្រ័យទៅលើការធ្លាក់ដោយសេរីពីលើអាកាស មិនមានបញ្ចារទៅកាន់គោលដៅដូចកាំជ្រួចមីស៊ីលនោះឡើយ។

ក្រោយសង្គ្រាមត្រជាក់បានបញ្ចាប់់អាមេរិកបានដកចេញគ្រាប់បែកប្រភេទនេះរាប់ពាន់គ្រាប់ដែលបានដាក់ពង្រាយនៅអឺរ៉ុប។ ប៉ុន្តែពេលនេះនៅមានប្រមាណ​១៨០គ្រាប់ទៀតស្ថិតនៅក្នុងឃ្លាំងអាវុធប្រទេសអាល្លឺម៉ង់ ប៊ែលហ្សិច អីតាលី​ ហុល្លង​់ និងទួគី។អាមេរិកបានធ្វើការអភិវឌ្ឍន៍​គ្រាប់បែកឲ្យទំនើបជាងនេះដោយប្រើប្រាស់ទឹកប្រាក់ជាង​១១ពាន់លានដុល្លារ៕