កូរ៉េខាងត្បូងនិងជប៉ុននឹងជួបពិភាក្សាគ្នានៅទីក្រុងតូក្យូនាសបា្ដហ៍ក្រោយដើម្បីពិភាក្សាពីស្ដ្រីដែលត្រូវកម្លាំងទាហាន ជប៉ុនបង្ខំឱ្យធ្វើជាទាសករផ្លូវភេទសម្រាប់ ទាហានជប៉ុនក្នុងសម័យសង្គ្រាមលោក លើកទីពីរ ។
នៅក្នុងសង្គ្រាមលោកលើទីពីរមាន ស្ដ្រីជាច្រើននៅឧបទ្វីបកូរ៉េត្រូវចាប់បង្ខំឱ្យបម្រើផ្លូវភេទដល់ទាហានជប៉ុនហ្វា ស៊ីស។ កិច្ចពិភាក្សាលើកនោះគឺជាលើក ទី១១ដោយកិច្ចពិភាក្សាកន្លងមកមិនទទួល បានជោគជ័យនោះឡើយ។ នៅក្នុងជំនួប ពិភាក្សាលើកនេះមានឧប្បការីក្រសួងការ បរទេសកូរ៉េខាងត្បូងលោក Lee sang Deokនិងសមភាគីជប៉ុនលោកKimihiro Ishikane ។
កិច្ចប្រជុំលើកនេះកើតឡើងក្រោយ ពេលប្រធានាធិបតីកូរ៉េខាងត្បូងលោក ស្រីផាក យ៉ុងហេ និងនាយករដ្ឋមន្ដ្រីជប៉ុន លោកស៊ីន ហ្សូអាបេ បានជួបពិភាក្សាគ្នា ហើយឯកភាពឱ្យមានកិច្ចពិភាក្សាដើម្បីបញ្ចប់វិបត្ដិខណៈដែលស្ដ្រីជាទាសករផ្លូវភេទស្លាប់ជិតអស់ទៅហើយនោះ។
ការសងសំណងមិនមែនជារឿងសំខាន់ ទៀតឡើយសម្រាប់ស្ដ្រីកូរ៉េខាងត្បូងអ្វីដែល ពួកគាត់ចង់បាននោះគឺការសុំទោសពី សំណាក់រដ្ឋាភិបាលជប៉ុនពីទង្វើខុសឆ្គង របស់កម្លាំងទាហានខ្លួន ។ ប៉ុន្ដែភាគី ជប៉ុនមិនព្រមសុំទោសឡើយរយៈពេល កន្លងមក ចំណែកការសងសំណងត្រូវ បានធ្វើឡើងតាមកិច្ចព្រមព្រៀងឆ្នាំ១៩៦៥ ស្ដីពីការតភ្ជាប់ទំនាក់ទំនងប្រទេសទាំង២ ៕
ប្រែសម្រួល៖ ម៉ែវ សាធី
