ខេត្ដរតនគិរី៖ ឈើប្រណីតប្រភេទ ធ្នង់ដែលត្រូវក្រុមឈ្មួញប្រមូលទិញពី ក្រុមអ្នកដឹកតាមម៉ូតូលាក់ទុក ដើម្បីដឹក ជញ្ជូនតាមរថយន្ដទៅលក់នៅប្រទេស វៀតណាម ត្រូវកម្លាំងសមត្ថកិច្ចជំនាញ រដ្ឋបាលព្រៃឈើផ្នែកវ៉ើនសៃ សហការ ជាមួយកម្លាំងនគរបាលប្រឆាំងបទល្មើសសេដ្ឋកិច្ចខេត្ដស្រាវជ្រាវរកឃើញ និង បង្ក្រាបបានមួយគោយន្ដកែច្នៃ កាល ពីរសៀលថ្ងៃទី១១ ខែធ្នូ ឆ្នាំ២០១៥ ស្ថិត នៅត្រង់ចំណុចជើងភ្នំជ្រៃ ក្នុងភូមិ តាង៉ាច ឃុំប៉ូយ ស្រុកអូរជុំ ។
ប្រភពបានឱ្យដឹងថា ទីតាំងខាងលើ នេះត្រូវក្រុមឈ្មួញប្រមូលទិញឈើដោយខុសច្បាប់ពីក្រុមអ្នកដែលដឹកតាមម៉ូតូយកមកលាក់ទុកហើយក៏ត្រូវកម្លាំង ជំនាញរដ្ឋបាលព្រៃឈើសហការជាមួយនគរបាលប្រឆាំងបទល្មើសសេដ្ឋកិច្ចខេត្ដចុះទៅបង្ក្រាបបានចំនួន១គោយន្ដកែច្នៃ ។
បច្ចុប្បន្នឈើប្រណីតខុសច្បាប់ទាំង នេះត្រូវកម្លាំងជំនាញរដ្ឋបាលព្រៃឈើ ប្រមូលដឹកមករក្សាទុកនៅខណ្ឌរដ្ឋបាល ព្រៃឈើខេត្ដ ដើម្បីស្រាវជ្រាវរកម្ចាស់ឱ្យ ចូលខ្លួនមកដោះស្រាយទៅតាមច្បាប់ ។ ចំណែកឈើទាំងអស់នោះជំនាញរដ្ឋបាលព្រៃឈើមិនទាន់បានវាស់វែងនៅឡើយ ទេថា មានចំនួនប្រាកដប៉ុន្មាន ៕
ដោយ៖ អ៊ុច សាវុទ្ធ
