ខេត្ដបាត់ដំបង៖ នៅភូមិពាមឯក ឃុំពាមឯក ស្រុកឯកភ្នំ ខេត្ដបាត់ដំបង កំពុងពេញនិយមលេងល្បែងបញ្ជល់មាន់ដាក់លុយក្នុងសង្វៀននាម្លប់ឈើមួយ កន្លែងដោយមានមនុស្សជាច្រើនបាន ស្រែកហ៊ោកញ្ជ្រៀវយ៉ាងកងរំពងមិន ខ្លាចសមត្ថកិច្ចទៅបង្ក្រាបឡើយ ព្រោះ ពួកគេអះអាងថាបានបង់លុយជូនអាជ្ញាធរដែនដីរួចហើយ ។
បុរសម្នាក់រស់នៅភូមិខាងលើបានឱ្យដឹងថា សង្វៀននេះទើបតែបើកដំណើរការ បានរយៈពេលជាងកន្លះខែតែប៉ុណ្ណោះ ប្រហែលជាគេមិនទាន់ស្គាល់ទេមើលទៅ ប៉ុន្ដែទោះបីតិចឬច្រើនក្ដីឱ្យតែដល់ថ្ងៃ ណាត់គ្នាគឺត្រូវតែបញ្ជល់ដើម្បីកុំឱ្យអ្នក ដែលចង់មកភ្នាល់ខកបំណង ។ ប៉ុន្ដែ បុរសនេះមិនហ៊ានប្រាប់ថា ម្ចាស់សង្វៀន បញ្ជល់មាន់នេះឈ្មោះអ្វីហើយមាននាទីជាអ្វីនោះទេ ។
នៅក្នុងសង្វៀនបញ្ជល់មាន់មួយនេះ គេឃើញមានមាន់ជល់មិនតិចជាង១០ក្បាលនោះទេដោយខ្លះនៅក្នុងស៊ុមឯខ្លះ ទៀតគេកាន់ជន្លមាន់ដាក់គ្នាមុននឹងបញ្ជល់ ភ្នាល់ដាក់លុយរាប់រយរាប់ពាន់ដុល្លារ នោះ ។ អ្វីដែលចម្លែកនោះគឺម្ចាស់សង្វៀន បាននិយាយបែបចំអកដាក់អ្នកកាសែតថា ចង់ថតអីក៏ថតទៅ ព្រោះទីនេះបាន បង់លុយទៅឱ្យមេប៉ុស្ដិ៍ព្រមទាំងសមត្ថ កិច្ចផ្សេងៗទៀតរួចអស់ហើយដូច្នេះវា គ្មានអ្វីដែលត្រូវឱ្យភ័យខ្លាចទៀតទេ ។
ពាក់ព័ន្ធបញ្ហានេះដែរលោក វិន វឿត នាយប៉ុស្ដិ៍នគរបាលរដ្ឋបាលពាមឯក បានបដិសេធថា លោកមិនបានយកលុយ ពីកន្លែងសង្វៀនបញ្ជល់មាន់នោះទេតែ បើមានមែនលោកនឹងសាកសួរទៅមន្ដ្រី ក្រោមឱវាទឱ្យដឹងថា តើបុគ្គលណាមួយ ហ៊ានទៅដាក់ខែយកលុយល្បែងបញ្ជល់មាន់មួយនេះ?
ប្រសិនបើដូចការអះអាងរបស់លោក នាយប៉ុស្ដិ៍ពាមឯកនេះមែនគេនឹងចាំ មើលថា តើលោកអធិការនគរបាល ស្រុកឯកភ្នំដែលទើបនឹងឡើងកាន់តំណែង ថ្មីហ៊ានបង្ក្រាបដែរឬទេ ខណៈប្រជាពល រដ្ឋចង់បានភូមិ-ឃុំមានសុវត្ថិភាព ជា ពិសេសគ្មានល្បែងស៊ីសងនិងគ្រឿង ញៀននោះ? ៕
ដោយ៖ ប្រាថ្នា
