ផ្សារដែកមិនប្រយ័ត្ន បង្កជាអគ្គីភ័យឆាបឆេះផ្ទះ២ខ្នងនៅសង្កាត់និរោធ

ចែករំលែក៖

ភ្នំពេញ ៖ លំនៅឋានពលរដ្ឋ២ខ្នង ដែលប្រកបអាជីវកម្ម ធ្វើកុងម៉ាសែនសម្រាប់លក់ ត្រូវអគ្គីភ័យឆាបឆេះអស់ទាំងស្រុងតែមិនឆេះរាលដាលដល់លំនៅដ្ឋានផ្សេងទៀតនោះឡើយ ។

ករណីគ្រោះអគ្គិភ័យនេះបានកើតឡើងកាលពីវេលាម៉ោង ១៦ និង៤៥នាទីល្ងាចថ្ងៃទី០៣ ខែមេសា ឆ្នាំ២០១៩ នៅចំណុចភូមិតាងូវក្រោម តាមបណ្តោយផ្លូវបាស្ព័រ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ។  ក្នុងនោះមួយខ្នងជាប្រភេទឃ្លាំងសង់ឡើងពីដែកប្រក់ដំបូលសង្ក័សី និងមួយខ្នងទៀតជាប្រភេទផ្ទះល្វែង ដែល លំនៅឋានទាំង២ មានម្ចាស់រួមតែមួយ ។

តាមប្រភពព័ត៌មានអោយដឹងថា នៅមុនពេលកើតហេតុ ក្រុមកម្មករ បាននាំគ្នាផ្សារដែក លុះផ្សារបានមួយសន្ទុះ ក៏ខ្ទាតកម្ទេចភ្លើងទៅលើកុងម៉ាឈើដែលទុកនៅក្បែរនោះបណ្តាលអោយឆាបឆេះឡើង រាលដាលដល់កុងម៉ាឈើជាច្រើនទៀតដែលតម្រាបនៅក្បែរនោះបង្កជាអណ្តាតភ្លើងឆាបឆេះឡើងយ៉ាងសន្ធោរសន្ធៅ តែម្តង បង្កអោយមានការភ្ញាក់ផ្អើលដល់ពលរដ្ឋក្បែរខាង នាំគ្នាជួយយកទឹកបាញ់ពន្លត់និងទំនាក់ទំនងទៅកាន់ អាជ្ញាធរមូលដ្ឋានអោយចុះជួយអន្តរាគមន៍ ។

បន្ទាប់ពីទទួលបានព័ត៌មាន កម្លាំងអាជ្ញាធរចម្រុះ មាននគរបាល កម្លាំងកងរាជអាវុធហត្ថ កម្លាំងប្រជាការពារ ដឹកនាំដោយលោកចេង មុនីរ៉ា អភិបាលខណ្ឌច្បារអំពៅ រួមទាំងរថយន្តពន្លតើអគ្គីភ័យជាច្រើនគ្រឿង បានចុះអន្តរាគមន៍ ដើម្បីបាញ់ទឹកទប់ស្កាត់អណ្តាតភ្លើង ។ ក្រោយការអន្តរាគមន៍យ៉ាងយកចិត្តទុកដាក់រួចមក អណ្តាតភ្លើងត្រូវបានរលត់សូន្យសុងទៅវិញ១០០ភាគរយ នៅវេលាម៉ោងជិត៧យប់ ក្នុងហេតុការនេះដែរសម្ភារះ និងទ្រព្យសម្បត្តិអស់មួយចំនួនធំត្រូវភ្លើងឆេះអស់ ។

សមត្ថកិច្ចដែលចេញអន្តរាគមន៍បានប្រាប់ថាអគ្គីភ័យខាងលើនេះ ប្រើប្រាស់រថយន្តពន្លត់អស់ជិត២០គ្រឿង នឹងប្រើប្រាស់ពេលវេលាជិត២ម៉ោង ទើបអាចគ្រប់គ្រងស្ថានការណ៍បាន១០០ភាគរយ  តែពុំមានបណ្តាលអោយមានមនុស្សណាម្នាក់រងរបួសឡើយ ហើយក៏ពុំមានការរាលដាលដល់លំនៅឋានដទៃផ្សេងទៀត ក្រៅពីលំនៅឋានទាំងពីរនេះ ៕ សណ្តោស

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print