ហួសចិត្ត ពូបង្កើតចាប់រំលោភសេពសន្ថវៈក្មួយស្រីឯង

ចែករំលែក៖

ភ្នំពេញ ៖ នគរបាលរាជធានីភ្នំពេញ សហការជាមួយសមត្ថកិច្ចខេត្តពោធិ៍សាត់បើកកិច្ចស្រាវ​ជ្រាវ​​​​ឈាន​ដ​ល់​​ឃាត់ ខ្លួនជនសង្ស័យម្នាក់ ដែលបានប្រព្រឹត្តអំពើរំលោភសេពសន្ទវៈទៅលើក្មួយស្រីបង្កើត កាលពីអំឡុងខែតុលា ឆ្នាំ ២០១៨ រហូតដល់ថ្ងៃទី១៩ ខែមីនា ឆ្នាំ២០១៩ ។ ក្រោយពីធ្វើសកម្មភាព ជនសង្ស័យបានរត់គេចខ្លួនទៅស្នាក់ នៅភូមិប្រម៉ោយ ឃុំដីក្រហម ស្រុកវាលវែង ខេត្តពោធិ៍សាត់ ទើបនៅថ្ងៃទី៩ ខែមេសា ឆ្នាំ២០១៩ ក៏ត្រូវ កម្លាំង​សមត្ថកិច្ចចាប់ឃាត់ខ្លួន នាំមកកាន់អធិការដ្ឋានខណ្ឌ៧មករា រាជធានីភ្នំពេញចាត់ការតាមច្បាប់ ។

នគរបាលឲ្យដឹងថាការចាប់ខ្លួនជនសង្ស័យរូបនេះ ដែលបានជាប់ពាក់ព័ន្ធនឹងអំពើរំលោភសេពសន្ថវៈលើក្មួយ ស្រីឯងបង្កើត ធ្វើឡើងតាមបញ្ជាលោកអធិការនគរបាលខណ្ឌ៧មករា និងយោងតាមចំណារឯកភាពរបស់លោក កែវ សុធា ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ។

នគរបាលបានឲ្យដឹងបន្តថា ជនសង្ស័យត្រូវបានចាប់ឃាត់ខ្លួន នៅវេលាម៉ោង៦និង១៦នាទី ថ្ងៃទី៩ ខែមេសា ឆ្នាំ ២០១៩ ភូមិប្រម៉ោយ ឃុំដីក្រហម ស្រុកវាលវែង ខេត្តពោធិ៍សាត់​ ដឹកនាំដោយលោកវរសេនីយ៍ទោ ក្រេត សិខរិន អធិការរងនគរបាលខណ្ឌ៧មករា សហការជាមួយកម្លាំងអធិការដ្ឋាននគរបាលស្រុកវាលវែង ។

ជនសង្ស័យឈ្មោះ ញ៉ែត ឆាង ភេទប្រុស អាយុ៤០ឆ្នាំ ជនជាតិខ្មែរ មានទីលំនៅផ្ទះលេខ៩១E4z ផ្លូវលេខ១០៧ ភូមិ៣ សង្កាត់អូឬស្សី៤ ខណ្ឌ៧មករា រាជធានីភ្នំពេញ ។ ចំណែកនារីរងគ្រោះឈ្មោះ ស៊ន សុធា អាយុ១៥ឆ្នាំ ជនជាតិខ្មែរ មុខរបរនៅផ្ទះ មានទីលំនៅជាមួយពូបង្កើតផ្ទះកើតហេតុខាងលើ ។

នគរបាលបញ្ជាក់ថា បន្ទាប់ពីបានធ្វើសកម្មភាព ជនសង្ស័យរូបនេះបានរត់គេចពីសំណាញ់ច្បាប់ មកលាក់ ខ្លួននៅភូមិប្រម៉ោយ ឃុំដីក្រហម ស្រុកវាលវែង ខេត្តពោធិ៍សាត់ ទើបនៅថ្ងៃទី៩ ខែមេសា ឆ្នាំ២០១៩ ម្សិល មិញនេះ ក៏ត្រូវបានកម្លាំងនគរបាលរាជធានីភ្នំពេញ សហការជាមួយនគរបាលស្រុកវាលវែង ចុះចាប់ឃាត់ ខ្លួននាំមកកាន់អធិការដ្ឋានខណ្ឌ៧មករា  ដើម្បីកសាងសំណុំរឿងចាត់ការតាមនីតិវិធី ៕ ដោយ ៖ ស រស្មី

...

 


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print