សង្ក្រាន្តស្វាយរៀងពលរដ្ឋមកពីគ្រប់ទិសទីរយះពេល៣ថ្ងៃ សរុបប្រមាណជិត៥សែននាក់

ចែករំលែក៖

ខេត្តស្វាយរៀង ៖ នៅព្រឹកថ្ងៃទី១៧ខែមេសាឆ្នាំ២០១៩យោងតាមលោក តូច ប៉ូលីវ៉ា ប្រធានអនុគណៈកម្មការរៀបចំពិធីសង្ក្រាន្តស្វាយរៀងបានបង្ហាញឲ្យដឹងពីពលរដ្ឋមកពីគ្រប់ទិសទីចូលលេងសង្ក្រាន្តស្វាយរៀងរយៈពេល៣ថ្ងៃមានពលរដ្ឋចំនួន៤៦៧៥០៥នាក់
របាយការណ៍សរុបទាំង៣ថ្ងៃគិតចាប់ពីថ្ងៃទី១៤-១៥-១៦ ខែមេសា ឆ្នាំ២០១៩ ក្នុងកម្មវិធីសង្ក្រាន្តស្វាយរៀងដូចខាងក្រោម ៖ ១.ចំនួនអ្នកចូលរួម ៖ ថ្ងៃទី១៤ខែមេសាឆ្នាំ២០១៩ មានប្រជាពលរដ្ឋ សារធាណៈជនចូលរួមលេងកម្សាន្តមានចំនួន៨៥,០៣៥នាក់។
១៥ខែមេសាឆ្នាំ២០១៩ មានយុវជន ប្រជាពលរដ្ឋ សារធាណៈជនចូលរួមលេងកម្សាន្តមានចំនួន១៧២,១៨៧​នាក់។
និងទី ១៦ខែមេសាឆ្នាំ២០១៩ មានយុវជន ប្រជាពលរដ្ឋ សារធាណៈជនចូលរួមលេងកម្សាន្តមានចំនួន​២១៥,១៦៨នាក់ សរុបទាំង៣ថ្ងៃមានចំនួន ៤៧២,៣៩០នាក់។
លោកបានបង្ហាញទៀតថាចំនួនករណីវង្វេងសាច់ញាតិទាំង៣ថ្ងៃ នៃសង្ក្រាន្តស្វាយរៀងមាន២៦ករណី
និងបញ្ហា​សុខភាពសរុបទាំង៣ថ្ងៃមានចំនួន៣៧នាក់ បញ្ហាសុខភាពមាន០៦នាក់ (ឈឺក្បាល ០២នាក់ ចង់ក្អួត ០២នាក់ ឈឺក ០១នាក់ ឈាមច្រមុះ ០១នាក់) ក្នុងនោះបានបញ្ជូនទៅមន្ទីរពេទ្យមានចំនួន ០៤នាក់។
 ហើយចំពោះតំបន់កម្សាន្តមានចំនួន៨កន្លែងរួមមាន ៖ ទី១.តំបន់ត្រជាក់ចិត្ត, ទី២.តន្ត្រី DTM, ទី៣.សួនកុមារ, ទី៤.ល្បែងប្រជាប្រិយ, ទី៥.តំបន់ម្ហូបអាហារ, ទី៦.ពិពណ៌តន្ត្រីទសវត្សទី៦០, ទី៧.តំបន់ពិព័រណ៍ពាណិជ្ជកម្ម និងទី៨.តំបន់ពិព័រណ៍ពាណិជ្ជកម្មបណ្តាក្រុងស្រុកទាំង៨ក្នុងខេត្តស្វាយរៀង។
ព្រឹត្តិការណ៍សង្ក្រាន្តស្វាយរៀងនេះ ធ្វើឡើងក្រោមវត្តមានលោក ម៉ែន វិបុល អភិបាលខេត្តស្វាយរៀង និងលោកស្រី និងមានការចូលរួមអមដំណើរដោយអភិបាលរងខេត្ត និងប្រធាន-អនុប្រធានគណៈកម្មការសង្ក្រាន្តស្វាយរៀង និងតំណាង ស.ស.យ.ក ខេត្តស្វាយរៀងជាច្រើនរូបទៀត។
ក្នុងឱកាសបើកព្រឹត្តិការណ៍សង្ក្រាន្តស្វាយរៀងន លោកអភិបាលខេត្តបានលើកឡើងថា ព្រឹត្តិការណ៍សង្ក្រាន្តស្វាយរៀង មានរយៈពេលចំនួន៣ថ្ងៃ គឺចាប់ពីថ្ងៃទី១៤ ដល់១៦ ខែមេសា ឆ្នាំ២០១៩ ដែលរៀបចំឡើងដោយរដ្ឋបាលខេត្តស្វាយរៀង និងសហភាពសហព័ន្ធយុវជនកម្ពុជាខេត្ត។  ឆ្នាំនេះជាលើកទី៣ហើយ ដែលថ្នាក់ដឹកនាំខេត្ត និង ស.ស.យ.ក ខេត្តស្វាយរៀង បានយកចិត្តទុកដាក់ក្នុង ន័យ បង្កភាពសប្បាយរីករាយជូនដល់ប្រជាពលរដ្ឋនាឱកាសបុណ្យចូលឆ្នាំថ្មីប្រពៃណីជាតិខ្មែរផងដែរ ៕

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print