កម្មករសំណង់ប្រុស-ស្រី ២១នាក់ ស្លាប់និងរបួស ដោយសារតែអ្នកបើករថយន្តបុកបង្គោលភ្លើងដួលរលំសង្កត់ពីលើ

ចែករំលែក៖

ខេត្តព្រះសីហនុ ៖ មនុស្សប្រុស ស្រីប្រមាណ២១នាក់បានស្លាប់ និងរបួសធ្ងន់ស្រាល ដោយសារតែ រថយន្តតួរីស រត់ឈ្នួលជួបគ្រោះថ្នាក់ចរាចរណ៏ នៅក្រុង​ព្រះសីហនុ​ ។

ហេតុការណ៏កើតឡើងនៅវេលាម៉ោងជាង៦ល្ងាចថ្ងៃទី​១៩ ខែ​មេសា ឆ្នាំ២០១៩ លើផ្លូវ បេតុង ត្រង់ចំណុច ជិត​រោងចក្រទឹកកកស្ថិតក្នុង ភូមិ៥ សង្កាត់លេខ៤ ក្រុង/ខេត្តព្រះសីហនុ​ ។

មន្ត្រីនគរបាលចរាចរណ៍បាននិយាយថា  រថយន្តមួយគ្រឿងនេះ ម៉ាក SSANGYON ពណ៌ ស ពាក់ផ្លាកលេខ ភ្នំពេញ2Q-8694 អ្នកបើកបរឈ្មោះ អិត វិន ភេទប្រុស អាយ ២៩ឆ្នាំ មុខរបរ រត់តាក់ស៊ី មានទីលំនៅ ស្រុកភ្នំក្រវ៉ាញ ខេត្តពោធិ៍សាត់ មានអ្នករួមដំណើរចំនួន ២១នាក់ស្រី ០៥នាក់ (អ្នករួមដំណើរទាំងអស់មានទីលំនៅភូមិតាសាល ឃុំផ្ទះរ៉ុង ស្រុកភ្នំក្រវ៉ាញ ខេត្តពោធិ៍សាត់ មុខរបរ កម្មករសំណង់ ) មានទិសដៅចុះចំណោត  លុះមកដល់ចំណុចខាងលើ រថយន្តហ្រ្វាំងមិនស៊ី បានជ្រុលទៅបុកនឹងរបងផ្ទះ អ្នកស្រុកព្រមទាំងបង្គោលភ្លើងរលំ ០១ដើម ។

គ្រោះថ្នាក់នេះបណ្ដាលឲ្យ ស្លាប់មនុស្សចំនួន ០២នាក់ស្រី ០១នាក់ ១-ឈ្មោះ ទូច សុផាន់ ភេទ ប្រុស អាយុ ២១ឆ្នាំ , ២-ឈ្មោះ ឯក ហេន ភេទ ស្រីអាយុ៥៣ឆ្នាំ ។ អ្នករងរបួសធ្ងន់៧នាក់ស្រី ០១នាក់ និងរងរបួសស្រាលមនុស្ស១៣នាក់ស្រី ០៣នាក់ ។

ចំពោះអ្នករងរបួសទាំងអស់បានបញ្ជូនទៅសង្គ្រោះមន្ទីរពេទ្យបង្អែកខេត្ត១៤នាក់ស្លាប់ ០២នាក់បានបញ្ជូនទៅសង្គ្រោះគ្លីនិកមិត្តភាពឃ្លាំងលើចំនួន ០៨នាក់ប្រុស ។

ដោយឡែកវត្ថុតាង រថយន្ត១គ្រឿង សមត្ថកិច្ចយកមករក្សារទុកនៅ ការិយាល័យនគរបាលចរាចរណ៍ផ្លូវ​គោក ៕ ដោយះ ឆ្លាមសមុទ្រ

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print