នេះជាលើកទី៣ហើយដែល លោក Joe Biden ប្រកាសប្រគួតប្រជែងតំណែងប្រធានាធិបតី ប៉ុន្តែ ការចូលរួមលើកនេះ ខុសពីពីរលើកមុនៗ ដោយសារតែលោកមានបទពិសោធខ្ពស់ ក្នុងការដឹកនាំប្រទេសក្រោយ ចូលរួមជាមួយរដ្ឋាភិបាលរបស់អតីតប្រធានាធិបតី បារ៉ាក់ អូបាម៉ា ។
លោក Joe Biden អតីតអនុប្រធានាធិបតីអាមេរិក ក្នុងរដ្ឋកាល អតីតប្រធានាធិបតី អូបាម៉ា នឹងចូលរួមប្រគួតប្រជេង តំណែងប្រធានាធិបតីនៅសេតវិមាន ក្នុងការបោះឆ្នោតឆ្នាំ២០២០ ប្រជែង ជាមួយប្រធានាធិបតីដូណាលត្រាំ ។
សារព័ត៌មាន CNN បានផ្សាយថា អតីតប្រធានាធិបីអាមេរិក លោក Joe Biden បានប្រកាសថា លោកបានសម្រេចឈរឈ្មោះជាបេក្ខភាពប្រធានាធិបតី អាមេរិក នៅក្នុងឆ្នាំ២០២០។ នៅពេលនេះ ក្រុមការងាររបស់លោក Joe Biden បានរៀបចំ សម្រាប់យុទ្ធនាការឃោសនាបោះឆ្នោត នាពេលខាងមុខ ។
តាមគម្រោង លោក Joe Biden នឹងរៀបចំព្រឹត្តិការណ៍ឃោសនាបោះឆ្នោតដំបូង របស់លោកនៅទីក្រុង Pittburgh នាថ្ងៃទី២៩ខែមេសា។ ក្រៅពីនេះលោកនឹងបន្តឃោសនានៅតាមបណ្តារដ្ឋ ដែលបោះឆ្នោតមុនគេ ដូចជា រដ្ឋ Lowa រដ្ឋ Carolin និង News Hampshire នៅពេលប៉ុន្មានថ្ងៃខាងមុខនេះ។
ការសម្រេចរបស់លោក Joe Biden ក្នុងការចូលរួមប្រជែងតំណែងប្រធានាធិបតីគឺជា មន្ត្រីទី២០ហើយនៅក្នុងគណបក្សប្រជាធិបតេយ្យ ដែលបានសម្រេច ឈរឈ្មោះជាបេក្ខភាព ប្រជែងតំណែងកំពូលនៅសេតវិមាន។
ប៉ុន្តែ ការក្លាយជាបេក្ខភាព ប្រធានាធិបតី តំណាងឲ្យ គណបក្សប្រជាធិបតេយ្យ គឺត្រូវឆ្លងកាត់ ការបោះឆ្នោត ប្រគួតប្រជែងផ្ទៃក្នុង ដើម្បីសម្រេចជ្រើសរើស យកតែបុគ្គលមួយគត់ ដើម្បីប្រជែងជាមួយលោកត្រាំ ៕
