ភ្នំពេញ៖ នៅវេលាម៉ោង១២ និង៣០នាទីថ្ងៃត្រង់ ថ្ងៃទី១៤ ខែធ្នូ ឆ្នាំ២០១៥ ដែលស្ថិតនៅភូមិស្រុកចេក សង្កាត់ជើងឯក ខណ្ឌដង្កោកម្លាំងប្រដាប់អាវុធហត្ថខណ្ឌដង្កោ បានល្បាត និងឃាត់ខ្លួនជនសង្ស័យ៩នាក់ជាបន្តបន្ទាប់រួមទាំងវត្ថុតាង ក្នុងករណីជួញដូរនិងប្រើប្រាស់នូវសារធាតុញៀនដោយខុសច្បាប់ ។
ប្រភព័ត៌មានពីកម្លាំងប្រដាប់អាវុធហត្ថខណ្ឌដង្កោ បានឲ្យដឹងថា មុនពេលឃាត់ខ្លួនជនសង្ស័យទាំងនោះគឺកម្លាំងប្រដាប់អាវុធហត្ថខណ្ឌដង្កោ បានល្បាតក្នុងភូមិសាស្ត្រ ដែលមានទីតាំងខាងលើ បានឃើញជនសង្ស័យ២នាក់(ប្រុសទាំង២) រួចមានការសង្ស័យក៍ធ្វើការឆែកឆេក៍បានឃើញក្រាមពណ៌ស១កញ្ចប់តូច(សង្ស័យសារធាតុញៀន) ។
ជនសង្ស័យដែលឃាត់ខ្លួននៅនិងកន្លែងកើតហេតុនោះមានឈ្មោះ ទី១-ឈ្មោះ ពៅ វុត្ថា ភេទប្រុស (ហៅក្រៅអាថា)អាយុ១៨ មុខរបរមិនពិតប្រាកដ រស់នៅភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ(ជាអ្នកប្រើប្រាស់) ។ទី២-ឈ្មោះ និល ផារត័្ន (ហៅក្រៅអាផ្លយ) ភេទប្រុស អាយុ១៦ មុខរបរមិនពិតប្រាកដ រស់នៅភូមិខាងលើ(ជាអ្នកចែកចាយ) ។
ប្រភពដដែលបានបន្តថា ក្រោយពីការសួរនាំហើយនៅវេលាម៉ោង១៤និង៣០ រសៀលថ្ងៃទីដដែលក៍ឈានទៅដល់ពីកន្លែងទិញ និងចែកចាយ រួចក៍ធ្វើការឆែកឆេរជនសង្ស័យពីរនាក់ទៀត(ប្រុសទាំង២)ដែលស្ថិតនៅភូមិខាងលើ ទី១.ឈ្មោះ ប៊ុន តុលា(ហៅឆ៊ែ) ភេទប្រុស អាយុ៣៣ មុខរបរជួញដូរគ្រឿងគៀន រស់នៅភូមិខាងលើ ។ ទី២.ឈ្មោះ ប៊ុន សីហា(ហៅសិលា) ភេទប្រុស អាយុ៣៨ មុខរបរចែកចាយនិងប្រើប្រាស់គ្រឿងញៀន រស់នៅភូមិខាងលើ និងបានដកហូតវត្ថុតាងមួយចំនួនរួមមាន៖ ទូរស័ព្ទ ៨គ្រឿង, ក្រាមពណ៌ស(២កញ្ចប់កណ្តាល), នាឡិការ(៣ខ្សែ), ឧបករណ័សម្រាប់ជក់ចំនួន៣ដប និងលុយមួយចំនួន ។
ប្រភពដែលបានបញ្ចាក់ឲ្យដឹងទៀតថា នៅវេលាម៉ោង១៦និង០០ រសៀល ថ្ងៃទីឆ្នាំដដែលមានអាណាព្យាបាលមកប្តឹង រួចក៍ឈានទៅដល់ការឃាត់ខ្លួនជនសង្ស័យបានចំនួន៥នាក់ នៅភូមិព្រែកថ្លឹង សង្កាត់ជើងឯក ខណ្ឌដង្កោ ។ ជនសង្ស័យដែលឃាត់ខ្លួនជាបន្តបន្ទាប់រួមមាន៖
ទី១ឈ្មោះ ឡុង សារ៉េត ភេទប្រុស អាយុ២០ឆ្នាំមុខរបរកសិករ នៅភូមិព្រែកថ្លឹង សង្កាត់ជើងឯក ខណ្ឌដង្កោ ទី២ឈ្មោះ សារុន សុជាតិ ភេទប្រុស អាយុ១៧ឆ្នាំ មុខរបរមិនពិតប្រាកដ នៅភូមិខាងលើ ទី៣ឈ្មោះ ពៅ វិចិត្រ អាយុ២៣ឆ្នាំ មុខរបរយោធា នៅភូមិខាងលើ ទិ៤ឈ្មោះ រិន ណារ៉ុង ភេទប្រុស អាយុ១៩ មុខរបរមិនពិតប្រាកដ រស់នៅភូមិខាងលើ និងទី៥ឈ្មោះ រ៉ុន រដ្ឋា ភេទប្រុស(ហៅពស់វែក)អាយុ១៨ មុខរបរមិនពិតប្រាដ រស់នៅភូមិខាងលើ ។ ខណៈពេលនោះក៏ដកហូតម៉ូតូបាន២គ្រឿង ម៉ាកSuzuki Nexពណ៌លឿងគ្មានស្លាកលេខ និងមួយគ្រឿងទៀតម៉ាកគុបមូល ពណ៌ស្លែ គ្មានស្លាកលេខ។
ក្រោយពីឃាត់ខ្លួនជនសង្ស័យទាំង៩នាក់ រួមទាំងវត្ថុតាង ត្រូវបានកម្លាំងប្រដាប់អាវុធហត្ថខណ្ឌដង្កោ បានបញ្ជូនទៅការិយាល័យគ្រឿងញៀន អាវុធហត្ថក្រុងភ្នំពេញ ដើម្បីចាត់ការតាមនិតិវិធីច្បាប់ ៕
...
ដោយ៖ ភារ៉ា ដង្កោ
