ប្រទេសចិន៖ ក្រុមអ្នកមាននៅក្នុងប្រទេសចិនបានបាត់បង់ទំនុកចិត្តបន្តិចកាន់តែខ្លាំងទៅលើសេដ្ឋកិច្ចជាតិ។ សារព័ត៌មាន South China moring post បានផ្សាយថា ក្រុមអ្នកមានទ្រព្យសម្បត្តិច្រើន បាត់បង់ទំនុកចិត្តទៅលើអនាគតសេដ្ឋកិច្ចជាតិ ដោយការជះឥទ្ធិពលនៃវិស័យសេដ្ឋកិច្ចសកល ហើយសេរីភាពសេដ្ឋកិច្ចនិង យឺតយ៉ាវជាងមុន។
សារព័ត៌មាន Hurun Report ដែលផ្សាយថា តាមរបាយការរបស់ក្រុមហ៊ុន ស្រាវជ្រាវដែលមានទីតាំងនៅទីក្រុងសៀងហៃ ប្រទេសចិន បានបញ្ជាក់ថា មានពលរដ្ឋចិន ១ភាគ៣ ប៉ុណ្ណោះដែលមានទំនុកចិត្តទៅលើសេដ្ឋកិច្ចចិន។ កាលពី២ឆ្នាំមុនពលរដ្ឋ ២ភាគ៣ជឿជាក់ទៅលើអនាគតសេដ្ឋកិច្ចជាតិ ។
ការស្ទង់មតិទៅលើពលរដ្ឋ ដែលជាអ្នកមានបំផុតនៅក្នុងប្រទេសចិន៤៦៥នាក់ របស់ Hurun បានបង្ហាញឲ្យឃើញថា អ្នកមានពាក់កណ្តាល មានបំណង ចំណាកស្រុកចេញពីប្រទេសចិន ដើម្បីទៅដាក់ទុនរកស៊ីនៅប្រទេសដែលពួកគេយល់ថាមានសុវត្ថិភាពជាងនេះ។
សារព័ត៌មាន South china moring post បានផ្សាយថា ការដែលក្រុមអ្នកមាន បាត់បង់ទំនុកចិត្តលើសេដ្ឋកិច្ចជាតិនាពេលអនាគតនោះ ដោយសារតែ វិវាទពាណិជ្ជកម្ម ជាមួយអាមេរិក អូសបន្លាយរយៈពេលយូរ។
បច្ចុប្បន្នសេដ្ឋកិច្ចមិនទាន់មានផលប៉ះពាល់អ្វីដោយសារតែវិវាទពាណិជ្ជកម្មជាមួយអាមេរិកនោះឡើយ ។ ប្រទេសទាំងពីរកំពុងតែដំណើរការពិភាក្សាយ៉ាងសកម្ម បើទោះបីអាមេរិកបានព្រមាន ដំឡើងពន្ធ លើទំនិញ នាំចូលពីចិនមានតម្លៃ២០០ពាន់លានដុល្លារ ៕
ដោយ៖ មែវ សាធី
