ភ្នំពេញ៖ ជនសង្ស័យចំនួន២នាក់ត្រូវបានសមត្ថកិច្ចនគរបាលខណ្ឌសែនសុខធ្វើការបង្ក្រាបបានភ្លាមៗ បន្ទាប់ពីពួកគេបានធ្វើសកម្មភាពប្រើកាំបិតភ្ជុងប្លន់យកទូរស័ព្ទដៃពីជនរងគ្រោះ ។

ករណីនេះបានកើតឡើងនៅវេលាម៉ោង៨ និង១០នាទីយប់ថៃ្ងទី១៥ ខែធ្នូ ឆ្នាំ២០១៥នៅចំណុចផ្លូវលំចូលសាលាវិចិត្រសិល្បះ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។

ជនរងគ្រោះឈ្មោះ ដូង តារា ភេទប្រុស អាយុ៣៨ឆ្នាំមុខរបររត់ម៉ូតូឌុប ស្នាក់នៅផ្ទះជួលផ្លូវ៥៩៨ សង្កាត់ទួលសង្កែ ខណ្ឌឫស្សិកែវ ។ ចំណែកឯជនសង្សយ័ទី១ឈ្មោះ សាលី អារាហ្វាត ភេទប្រុស អាយុ១៧ឆ្នាំមុខរបររៀនជួសជុលទូរសព្ទ័ដែស្នាក់នៅសង្កាត់ឫស្សីកែវ ខណឌឫស្សីកែវ និងទី២ឈ្មោះ រឿង វុទ្ធី អាយុ២៩ឆ្នាំ មុខរបមិនពិតប្រាកដស្នាក់នៅផ្ទះក្រហម ភូមិស្រះចក សង្កាត់ស្រះចក ខណ្ឌដូនភ្នំពេញ ។

ប្រភពពីជនរងគ្រោះបានអោយដឹងថា នៅមុនពេលកើតហេតុជនរងគ្រោះបានអង្គុយចាំឌុបម៉ូយនៅរង្វង់មូលកាំកូសុីធីពេលនោះក៍មានជនសង្ស័យ២នាក់ខាងលើបានមកហៅអោយគាត់ឌុបមកម្តុំសាលាវិចិត្រសិល្បៈលុះពេលឌុបមកដល់ចំនុចខាងលើជនសង្ស័យឈ្មោះ សាលី អារាហ្វាត បានខ្ចីទូរសព្ទ័គាត់យកមកខលថាហៅបងប្អូនពេលជនសង្ស័យម្នាក់ទៀតឈ្មោះ រឿង វុទ្ធី បានយកកាំបិទមកភ្ជុងទៅលើជនរងគ្រោះហើយគំរាមយកលុយបើកគ្មានលុយអាញយកទូសព្ទ័ដៃ ពេលនោះជនរងគ្រោះបានឆ្លើយថាគាត់គ្មានលុយទេហើយក្រុមជនសង្ស័យក៍យកទូរសព្ទ័ដៃរត់គេចខ្លួន។ ពេលនោះជនរងគ្រោះក៍បានមកដាក់ពាក្យបណ្តឹងនៅប៉ុស្តិ៍នគរបាលភ្នំពេញថ្មី ។

ក្រោយពីទទួលបានថាមានករណីខាងលើលោក ម៉ក់ ហុង អធិការនគរបាលខណ្ឌសែនសុខបានចុះទៅដល់កន្លែងកើតហេតុ និងបញ្ជាអោយកម្លាំងរបស់លោកតាមស្រាវជ្រាវហើយក៍ឃាត់ខ្លួនជនសង្ស័យទាំង២នាក់បានភ្លាមៗ និងវត្ថុតាងដើម្បីសាកសួរនៅប៉ុស្តិ៍នគរបាលភ្នំពេញថ្មី ។ ហើយក៍ប្រគល់ទូរស័ព្ទដៃអោយទៅជនរងគ្រោះវិញ ចំណែកជនសង្ស័យទាំង២នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការបន្តតាមផ្លូវច្បាប់ ៕

ដោយ៖ តុង សីហា