ភ្នំពេញ៖ ប៉ុន្មានខែមុននេះតារាចម្រៀងស្រី សុខ សីឡាលីនបាន ខិតខំសម្រិតសម្រាំងបទចម្រៀងមួយបទ គឺបទ”លង់ស្នេហ៍ហនុមាន” ដែលមានការសម្តែងរួមបញ្ចូលដោយការសម្តែងឈុតរាំល្ខោនខោលមួយចំនួន។ អ្វីដែលរំពឹងថានឹងទទួលបានការគាំទ្រច្រើនពីទស្សនិកជន បទចម្រៀង និងការសម្តែងមួយនេះហាក់មិនដូចការរំពឹងទុកនោះទេ។
សុខ សីឡាលីន ត្រូវបានគេចាត់ទុកជាតារាសម្តែងដែលមានប្រជាប្រិយភាពគួរសមនៅក្នុងផលិតកម្មហង្សមាស ដែលការសម្តែង និងរៀបចំខ្លួនរបស់នាងក៏ពោរពេញដោយភាពទាក់ទាញផងដែររួមបញ្ចូលទាំងនាងអាចច្រៀងបានយ៉ាងល្អទាំងបទខ្មែរ និង បទបរទេស ។ ថ្មីៗនេះ នាងទើបនឹងចេញ MV បទ «លង់ស្នេហ៍ហនុមាន» ដែលមានលក្ខណៈប្លែកខុសពីបទមុនៗ ដោយមានការបញ្ចូលការសម្តែងល្ខោនខោលទៀតផង ។
ក្នុងនោះក៏មានការសរសើរពីសំណាក់មហាជននូវសំឡេងដ៏ស្រទន់របស់ សុខ សីឡាលីន ជាពិសេសការច្នៃប្រឌិតក្នុងការបញ្ចូលនៅល្ខោនខោលនៅក្នុងការសម្តែងបទចម្រៀងមួយបទនេះ ។ ទន្ទឹមគ្នានេះ សុខ សីឡាលីន ក៏បានសម្តែងនូវអារម្មណ៍រំភើបដែលបទចម្រៀងរបស់នាងមានបញ្ចូលនូវសិល្បៈបុរាណដ៏ចំណាស់មួយនេះ។ ទោះជាយ៉ាងនេះក្តី ចម្រៀងមួយបទនេះហាក់មិនសូវផ្ទុះខ្លាំងប៉ុន្មានឡើយ ខណៈដែលចំនួនអ្នកចូលទស្សនាបទចម្រៀងមួយនេះមិនខ្លាំងខ្លាដូចការរំពឹងទុកនោះដែរ ។
ជំនួសការខកចិត្តតារាស្រីរូបនេះស្រាប់តែទទទួលបានឱកាសកាដូរធំមួយពីផលិតកម្មព្រោះតែនាងបានក្លាយជា កម្មការនៅក្នុងកម្មវិធីលំដាប់ពិភពលោក X Factor Cambodia ដែលជាលើកដំបូងដែល សុខ សីឡាលីន ពេលនេះ សុខ សីឡាលីន ក៏កាន់តែមានសម្រស់ស្អាតប្លែកមួយកម្រិតទៀតក្រោយពីនាងដកដែកពត់ធ្មេញដែលបានពាក់អស់រយៈពេលជាងបីឆ្នាំនោះផងដែរ ៕ ដោយ វឌ្ឍនា
