ស្រវឹងស្រាឡើងជោគបើករថយន្តស៊េរីទំនើបទៅ បុករថយន្តមួយគ្រឿងទៀតរួចបើករត់បង្កការភ្ញាក់ផ្អើលដល់សមត្ថកិច្ចអន្តរាគមន៍

ចែករំលែក៖

 ភ្នំពេញ៖ បុរសម្នាក់ស្រវឹងស្រាជោគជាំ បានបើករថយន្តស៊េរីទំនើបមួយគ្រឿងជ្រុលទៅបុករថយន្ត  តូយូតាព្រូសមួយគ្រឿងទៀតចំពីក្រោយ បណ្តាល  រងរការខូចខាតបន្តិបន្តួច រួចព្យាយាមបើករត់ត្រូវបានកម្លាំងសមត្ថកិច្ចនិងប្រជាពលរដ្ឋដេញចាប់មកវិញ បង្កការភ្ញាក់ផ្អើលជាខ្លាំងកាលពីវេលាម៉ោង១១យប់ ថ្ងៃទី១៣ ខែឧសភា ឆ្នាំ២០១៩ ស្ថិតនៅតាមបណ្តោយផ្លូវសហពន្ធរុស្សុី ជិតនិងស្តុបក្តាន់ពីរ ក្នុងសង្កាត់មិត្តភាព ខណ្ឌ៧មករា។
     តាមប្រភពពីសមត្ថកិច្ចម្នាក់បានឃើញហេតុការណ៍នេះបានឲ្យដឹងថា មុនកើតគេឃើញរថយន្តតូយូតាព្រូសមួយគ្រឿងពណ៌ទឹកប្រាក់ពាកស្លាកលេខបរទេស បើកបរជាលក្ខណះគ្រួសារមានប្រុសមានស្រីចាស់ក្មេងប្រមាណជា៦ទៅ៧ នាក់ បានធ្វើដំណើរតាមបណ្តោយផ្លូវ២៨៩ ទិសដៅពីជើងទៅត្បូង ខណះមកស្តុបអតីតរង្វង់មូលទួលគោកចាស់ ក្នុងសង្កាត់បឹងកក់២ ខណ្ឌទួលគោក ក៏បានឈប់ស្តុប់ខណះភ្លើងចរាចរណ៍ពណ៌ក្រហម ពេលនោះក៍មានបុរសម្នាក់ស្រវឹងស្រាជោគជាំបើករថយន្តស៊េរីទំនើបមួយគ្រឿងម៉ាកTIGUAN ពណ៌ទឹកមាស ពាក់ស្លាក លេខភ្នំពេញ2AD-1637 ធ្វើដំណើរស្របទិសដៅគ្នាមកពីក្រោយបុកចំកាងរថយន្តព្រូសខាងក្រោយផ្នែងខាងឆ្វេងបណ្តោយខូចខាតតិចតួច និងបង្កឲ្យក្មេងប្រុសម្នាក់នៅអង្គុយក្នុងរថយន្ត រងរបួសបែកចុងចិញ្ចើមខាងឆ្វេងបន្តិចបន្តួចរបួសស្រាល។ បន្ទាប់មករថយន្តបង្កមិនបានឈប់ទទួលខុសត្រូវនោះទេ ដោយបានព្យាយាមបើករត់ខណះនោះសមត្ថកិច្ចខណ្ឌទួលគោកកំពុងធ្វើដំណើរតាមដងផ្លូវឃើញហេតុយការណ៍នេះ ក៏បានបោះដៃតាមIDឲ្យគ្រុបបណ្តាល ប៉ុស្តិ៍ក្នុងខណ្ឌទួលគោកឲ្យជួយស្ទាក់ចាប់រថយន្តបង្កនោះផងបន្ទាប់កម្លាំងសមត្ថកិច្ចខណ្ឌទួលគោកតាមបណ្តាលប៉ុស្តិ៍នីមួយៗបានចេញអន្តរាគមន៍ភ្លាមៗក៍ដូចជាម្ចាស់រថយន្តរងគ្រោះបានដេញពីក្រោយ និងប្រជាពលរដ្ឋឃើញហេតុការនោះបានជួយដេញមកដល់ចំណុចកើតហេតុខាងលើត្រូវបានម្ចាស់រថយន្តរងគ្រោះបើករថយន្តកាក់ចំពីមុខជាប់ធ្វើឲ្យរថយន្តបង្កទៅមុខលេងរួច ។ ក្រោយមកកម្លាំងសមត្ថកិច្ចធ្វើការឃាត់ខ្លួនអ្នកបើកបរនិងរថយន្តបង្កភ្លាមៗ ។
    ក្រោយកើតហេតុសមត្ថកិច្ចបាននាំខ្លួនអ្នកបើកបរក៍ដូចរថយន្តបង្កនិងរថយន្តរងគ្រោះបញ្ជូនមកអធិការដ្ឋាននគរបាលខណ្ឌទួលគោកដើម្បីធ្វើការដោះស្រាយគ្នាទៅតាមផ្លូវច្បាប់៕ដោយ៖ ភារ៉ា ដង្កោ

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print