ភ្នំពេញ៖ បុរសម្នាក់បានរងរបួសស្រាល និងម៉ូតូបានរងការខូចខាតយ៉ាងដំណំ ខណៈដែលជនរងគ្រោះបានជិះម៉ូតូហើយត្រូវបានរថយន្តដឹកដីបុកពីក្រោយ ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១៤ និង៣០នាទីរសៀល ថ្ងៃទី១៦ ខែធ្នូ ឆ្នាំ២០១៥ នៅចំណុចមុខសាលាសង្កាត់ក្រាំពង្រ តាមបណ្ដោយផ្លូវជាតិលេខ៣ ស្ថិតក្នុងភូមិទឹកថ្លា សង្កាត់ក្រាំពង្រ ខណ្ឌដង្កោ។

បើតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ជិះម៉ូតូស្មាក់វី ពណ៌្មខ្មៅ ពាក់ស្លាកលេខភ្នំពេញ1BE-5305 ធ្វើដំណើរតាមបណ្ដោយផ្លូវជាតិលេខ៣ ទិសដៅពីត្បួងទៅជើង ខណៈមកដល់ចំណុចកើតហតុបានវ៉ារថយន្តបង្កម៉ាកUD ពណ៌ទឹកដោះគោ ពាក់ស្លាកលខតាកែវ 3AM-1758 ទិសដៅស្របគ្នា រួចក៏បានទៅបះដៃចង្កូតជាមួយរថយន្តឡិចសីុស ដែលមិនចាំស្លាកលេខ ធ្វើដំណើបញ្ច្រាសទិសគ្នាបណ្ដាលឲ្យងាកចង្កូតម៉ូតូមកខាងស្ដាំធ្វើឲ្យរថយន្តបង្កបើកមកពីក្រោយចាប់ហ្វ្រាំងមិនបានជ្រុលង្កូតទៅបុកម៉ូតូពីក្រោយបណ្ដាលឲ្យម្ចាស់ជិះម៉ូតូខ្ទាតចេញពីម៉ូតូរងរបួសស្រាល រីឯម៉ូតូរងការូចខាតយ៉ាងដំណំ ។

ជនរងគ្រោះឈ្មោះសិន ដារ៉ា ភេទប្រុស អាយុ២៥ឆ្នាំ រស់នៅភូមិបែកចាន ឃុំព្រែកទំលាប់ ខេត្តកណ្ដាល ។

ក្រោយពេលកើតហេតុសមត្ថកិច្ចមូលដ្ឋាន និងជំនាញបានចុះមកធ្វើការវាស់វែងយកថយន្តបង្ក និងម៉ូតូទៅរក្សាទុកនៅប៉ុស្ដិ៍នគរបាលក្រាំពង្រ រងចាំដោះស្រាយគ្នាតាមនីតិវិធីច្បាប់ ៕

ដោយ៖ ភារ៉ា ដង្កោ