មុននេះបន្តិច៖ បុរសតណ្ហាឡើងខ្លាំងទប់មិនជាប់ ចូលទៅចាប់ប្រពន្ធគេដល់បន្ទប់ជួលរំលោភ តែនាងស្រែកប្រជាជនចោមរោមចាប់អោយសមត្ថកិច្ចវ៉ៃខ្នោះ

ចែករំលែក៖

ភ្នំពេញ៖ មានហេតុការណ៍ភ្ញាក់ផ្អើលមួយបានកើតឡើង​បន្ទាប់ពីជនសង្ស័យម្នាក់បានទៅចាប់រំលោភនារីម្នាក់ជាប្រពន្ធគេទាំងមានកូនតូចម្នាក់កំពុងបោសដីក្នុងបន្ទប់ជួល តែមិនបានសម្រេច ត្រូវប្រជាពលរដ្ឋនាំគ្នាឃាត់ខ្លួនប្រគល់ឲ្យសមត្ថកិច្ចភ្លាមៗ កាលពីវេលាម៉ោង ៤ និង៣០នាទីរសៀលថ្ងៃទី០៥ ខែមិថុនា ឆ្នាំ២០១៩ នៅចំណុចបន្ទប់ផ្ទះជួល ភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ។
សមត្ថកិច្ចមូលដ្ឋានបានឲ្យដឹងថា ៖ ជនសង្ស័យខាងលើមានឈ្មោះ រស់ នៅ អាយុ២៧ឆ្នាំ មុខរបរ មិនពិតប្រាកដ ស្នាក់នៅភូមិថ្មី សង្កាត់ដង្កោ ខណ្ឌដង្កោ មានស្រុកកំណើតភូមិត្រពាំងព្រះទី២ ឃុំព្រៃឃ្នាស់ ស្រុកមេសាង ខេត្ដព្រៃវែង ។ ចំណែកជនរងគ្រោះ មានឈ្មោះ ស.ណ.ប អាយុ ២០ឆ្នាំមុខរបរ នៅផ្ទះ ស្នាក់នៅចំណុចផ្ទះជួលភូមិថ្មី សង្កាត់ដង្កោ ខណ្ឌដង្កោ ដោយមានកូនស្រីម្នាក់អាយុ២០ខែ ឯប្ដីធ្វើការជាងដែក ។​
សមត្ថកិច្ចបានបន្ដទៀតថា៖ មុនពេលកើតហេតុជនរងគ្រោះកំពុងបោសដីក្នុងបន្ទប់ផ្ទះជួលរបស់ខ្លួនដោយមិនបានបិតទ្វាទេ ដោយចៃដន្យស្រាប់តែពេលនោះ លេចមុខជនសង្ស័យម្នាក់ខាងលើបានដើរចូលមកចាប់កជនរងគ្រោះ​និងលូកប្រដាប់ភេទ ប៉ុនប៉ុងចាប់រំលោភ ប៉ុន្ដែមិនបានសម្រេចក៏ត្រូវជនរងគ្រោះស្រែក ឆោឡោ បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅក្បែរកន្លែងចំណុចកើតហេតុជួយឃាត់ខ្លួនជនសង្ស័យប្រគល់ឲ្យសមត្ថកិច្ចយកមកធ្វើការសាកសួរនៅប៉ុស្ដិ៍តែម្ដង ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាមានបំណងចាប់រំលោភជនរងគ្រោះពិតប្រាកដមែន ដោយសារតែតណ្ហាឡើងខ្លាំងពេក ទប់មិនជាប់។
ក្រោយពីឃាត់ខ្លួនជនសង្ស័យខាងលើរួច សមត្ថកិច្ចបានយកមកធ្វើការសួរនាំនៅប៉ុស្ដិ៍នគរបាលរដ្ឋបាលដង្កោ ដើម្បីកសាងសំណុំរឿងចាត់ការបន្ដតាមនីតិវិធី ៕

...

ដោយ៖ជីម​ ភារ៉ា


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print