ខេត្ដសៀមរាប៖ ដីព្រៃលិចទឹកជាង ៣ហិកតាត្រូវបានឈ្មួញកាយដីធ្វើសកម្មភាពទាំងយប់ទាំងថ្ងៃជម្រៅដល់ក្បាល ប្រេតទៅហើយតែពុំត្រូវបានសមត្ថកិច្ច ពាក់ព័ន្ធយកចិត្ដទុកដាក់ត្រួតពិនិត្យឱ្យ បានច្បាស់លាស់នោះទេ ជាហេតុធ្វើឱ្យ ឈ្មួញបានចិត្ដក្នុងលេសកាយដីយកមកចាក់នៅទីតាំងសាងសង់សាលាបឋម សិក្សារបស់កូរ៉េដែលការពិតគេកាយដី នេះរាប់សិបឆ្នាំមកហើយតែពុំបានយកដីទាំងនេះទៅចាក់នៅទីតាំងសាលានោះ ទេគឺយកដីទាំងនោះទៅលក់តាមផ្ទះ ។
ប្រភពបានឱ្យដឹងថា ក្នុងមួយថ្ងៃដី មិនតិចជាងពី៣៥០ទៅ៤០០រថយន្ដ ដែលដឹកដោយរថយន្ដបែនដឹកដីបន្ដ កន្ទុយគ្នាចេញពីរណ្ដៅយក្សស្ថិតនៅភូមិភ្នំក្រោម សង្កាត់សៀមរាប ក្រុងសៀម រាប ខេត្ដសៀមរាប ។ តំបន់នេះជាតំបន់ ព្រៃលិចទឹកដែលត្រូវហាមឃាត់នេះ តែ រថយន្ដមិនតិចជាង៥០គ្រឿងនោះទេ ដែលបានដឹកដីលក់នៅក្នុងក្រុងសៀម រាប ។ កន្លងមកទូរទស្សន៍កាសែតជា ច្រើនបានចុះផ្សាយពីរឿងនេះម្ដងរួចមកហើយដែលម្ចាស់ដីបានអះអាងថា គេ កាយដីនេះដើម្បីធ្វើផ្លូវអភិវឌ្ឍឃុំតែ ធាតុពិតដីដែលបានដឹកចេញពីរណ្ដៅ ទាំងប៉ុន្មានពុំត្រូវបានចាក់ធ្វើផ្លូវនោះទេ ទើបអភិបាល ក្រុងបញ្ជាឱ្យផ្អាក និងហាម ដាច់ខាតមិនឱ្យកាយដីនេះ ។ បន្ទាប់មក នៅពេលថ្មីៗនេះម្ចាស់ដីបានកាយដីម្ដង ទៀតដោយហេតុផលថាគេយកទៅចាក់កន្លែងសាងសង់សាលារៀន ។
ប្រភពបានបញ្ជាក់ទៀតថា នៅទីតាំង ចាក់ដីសម្រាប់សាងសង់សាលារៀន ក្រោមការឧបត្ថម្ភរបស់កូរ៉េនេះមិន សូវមានការចាក់ដីនោះទេ គឺ៥ថ្ងៃឃើញ ចាក់៣រថយន្ដជួនថ្ងៃខ្លះអត់ឃើញមក ចាក់សោះកន្លះខែចាក់៥រថយន្ដហើយ ឃើញចាក់ដីនេះអស់រយៈពេល៥ខែ មកហើយមិនទាន់បានពេញទៀត ហើយ ក៏មិនដឹងថាថ្ងៃណានឹងបានចាក់ពេញ អស់ទេបើចាក់ខានៗបែបនេះ ។ ពួកគាត់ ជាប្រជាពលរដ្ឋបានសំណូមពរឱ្យមាន ការចាក់ដីឱ្យពេញឆាប់ៗ ដោយសារតែ ទន្ទឹងរង់ចាំជាច្រើនឆ្នាំហើយមិនឃើញ ពេញសោះ ហើយពេលណាទៅទើបបាន សាងសង់សាលារៀន ។
លោក រ៉ានី រ៉ែ ប្រធានមន្ទីររ៉ែ និង ថាមពលខេត្ដសៀមរាបបាននិយាយថា លោកមិនបានដឹងទេ រឿងការកាយដី នៅតំបន់ភ្នំក្រោមនេះតែយ៉ាងណាចាំឱ្យ មន្ដ្រីចុះទៅមើល ព្រោះលោកមិនបាន ដឹងទាល់តែសោះដោយសារតែខាងក្រុងពុំបានផ្ដល់ដំណឹងហើយក៏ពុំមានច្បាប់ ណាបញ្ជូនមកខាងលោកដែរ ។
ចំណែកលោក ស៊ូ ផ្លាតុង អភិបាល ក្រុងសៀមរាបបានឱ្យដឹងថា ពាក់ព័ន្ធទៅ នឹងការកាយដីនេះ គឺមានក្រុមហ៊ុនមួយ គាត់បានធ្វើកិច្ចសន្យាកាយដីដើម្បីចាក់ធ្វើសាលារៀនរបស់កូរ៉េ ដែលមានដី ចំនួន៥ម៉ឺនទៅ៦ម៉ឺនម៉ែត្រគូបទើបពេញ ។ ចំណែកការដឹកដីយកមកចាក់នេះ គឺ ពុំបានជួលគេទេ គឺគេបានដឹកយកទៅ លក់ខ្លះហើយឆ្លៀតពេលដឹកមកចាក់ឱ្យសាលាខ្លះដែលការដឹកនេះគឺគ្មានកំណត់ ទេ តែទោះជាយ៉ាងណាគឺលោកនឹងជំរុញ ឱ្យគេចាក់ឱ្យពេញដើម្បីសាងសង់សាលារៀនឱ្យបានឆាប់ ។ ម្យ៉ាងទៀតការដឹក ចេញទៅលក់នេះលោកនឹងហៅមក ណែនាំមិនឱ្យដឹកទៅលក់ទាំងស្រុងនោះ ទេ គឺត្រូវចាក់សាងសង់សាលារៀនសិន ហើយសល់ប៉ុន្មានលក់ក៏លក់ចុះ ៕
ដោយ៖ សហការី
