ហាស់ វីរ៉ាស្រីរ័ត្ន ពោលសរសើរចំៗទៅកាន់ប៉ូលិសស័ក្តិ២ ឆែកហាង លក់ឡេ ថាសង្ហានិងមានសមត្ថភាព

ចែករំលែក៖

ភ្នំពេញ៖ ល្បីល្បាញពេញបណ្តាញសង្គមហ្វេសប៊ុករឿងប៉ូលិសស័ក្តិ២ ឆែកហាង លក់ឡេមានរូបសង្ហាមិនចាញ់តួកុន។ ក្នុងនោះដែរតារាសម្តែងស្រីកញ្ញាហាស់ វីរ៉ាស្រីរ័ត្ន ហៅរ៉ូស ក៏បានពោលពាក្យសរសើរចំៗហាក់ពេញចិត្តខ្លាំងចំពោះលោកប៉ូលិសរូបនេះផងដែរ។
កាលពីថ្មីៗនេះហាងលក់ឡេតាមអនឡាញដ៏មានប្រជាប្រិយភាព ក្នុងបណ្តាញសង្គមហ្វេសប៊ុក ឈ្មោះ Ah Gi Leader ដែលមានលក់ គ្រឿងក្រអូប បោះដុំ និងរាយនាំមកពីប្រទេសថៃ ត្រូវបានកម្លាំងគណៈកម្មាធិការប្រយុទ្ធប្រឆាំងផលិតផលក្លែងក្លាយ របស់ក្រសួងមហាផ្ទៃ ចុះត្រួតពិនិត្យ និងដកហូតផលិតផលចំនួន៨មុខ ស្មើនឹងជិត១ពាន់ប្រអប់។ការចុះបង្ក្រាបហាងលក់ឡេខាងលើនេះ ធ្វើឡើងកាលពីវេលាម៉ោង៤និង៣០នាទីរសៀល ថ្ងៃទី១៣ ខែមិថុនា ឆ្នាំ២០១៩ នៅចំណុចសំណង់១២ ផ្ទះល្វែងលេខ៧ ផ្លូវ២៦៥ ក្នុងសង្កាត់ទឹកល្អក់ទី៣ ខណ្ឌទួលគោក ដោយសមត្ថកិច្ចមានការសង្ស័យថា ផលិតផលទាំងនោះ នាំចូលនិងចែកនៅលើទីផ្សារ ដោយគ្មានច្បាប់អនុញ្ញាត ព្រមទាំងមានការកែច្នៃម្សៅលាបមុខ និងខ្លួនពីកំប៉ុងដើម ដាក់កំប៉ុងថ្មី គ្មានស្លាកសញ្ញាផលិតផល ហើយចែកចាយនៅទីផ្សារ ដែលជាហេតុធ្វើឱ្យប៉ះពាល់ដល់សុខភាពស្បែក របស់អ្នកប្រើប្រាស់។ក្រៅពីចាប់អារម្មណ៍នឹងរឿងចុះចាប់កន្លែងលក់ឡេ មានទស្សនិកជនពិសេសនារីៗជាច្រើនបានបញ្ចេញយោបល់ជុំវិញសម្រស់លោកមន្រ្តីប៉ូលីសទៅវិញថាមានរូបរាងសង្ហា មិនចាញ់តួកុន។ ក្នុងនោះតារាសម្តែងស្រីកញ្ញា ហាស់ វីរ៉ាស្រីរ័ត្នក៏បានព្រលយពាក្យហាក់ពេញចិត្តខ្លាំងនឹងភាពក្លាហាន និងរូបសម្រស់របស់លោកមន្ត្រីមួយនេះ។ ទោះជាយ៉ាងណាតារាស្រីរូបនេះបញ្ជាក់ថា ការចែករំលែក និងពោលពាក្យសរសើរនេះមិនមែនមានតែនាងទេ ហើយនាងពិតជាសរសើរដោយស្មោះពីសមត្ថភាព ភាពក្លាហាន និងរូបសម្រស់ ប៉ុន្តែមិនមែនបានន័យថានាងលង់ស្រលាញ់នោះទេ។ នាងទទួលស្គាល់ថា​បានតាមដានព័ត៌មាននេះហើយក៏ចូលទៅបញ្ចេញយោបល់ខ្លះៗទៅ តែបើរឿងស្គាល់ ឬមានទំនាក់ទំនងពិសេសនោះគ្មានទេ។
នាងថាបុរសសង្ហា មានសមត្ថភាព ការងារសមរម្យជាចំណុចពិសេសបំផុតហើយដែលមនុស្សស្រីចាប់អារម្មណ៍ និងចង់បានជាស្វាមីនៅថ្ងៃអនាគត។ នាងថាប្រសិនបើលោកមន្ត្រីប៉ូលីសរូបសង្ហា នេះបានឃើញនាងសូមផ្តាំផ្ញើសារសាកសួរសុខទុក្ខ និងផ្តាំឲ្យលោកប៉ូលីសជួយបង្ក្រាបករណីខុសច្បាប់ជាច្រើនទៀត ហើយថែទាំសុខភាពហាត់ប្រាណ មានរូបរាងស្រស់សង្ហា ៕

...

ដោយ វឌ្ឍនា

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print