ភ្នំពេញ ៖ ជំនួយឥតសំណងពី ទីភ្នាក់ងារសហប្រតិបត្តិការអន្តរ ជាតិជប៉ុន (JICA) ចំនួន៨៥១ លានយេន សម្រាប់អនុវត្តន៍គម្រោង សាងសង់អគារសិក្សាបន្ថែម ចំនួន៨ខ្នងនៅតាមបណ្តា អនុវិទ្យាល័យចំនួន៨ បានចុះហត្ថលេខា កាលពីរសៀលថ្ងៃទី៨ ខែកក្កដា ឆ្នាំ២០១៥ នៅ សាលារាជធានីភ្នំពេញ ដោយលោក ប៊ុន សេរី អភិបាលរង រាជធានីភ្នំពេញ និងលោក Takeharu Kojima តំណាងជាន់ខ្ពស់ JICA ប្រចាំនៅកម្ពុជា ។
លោក ប៊ុន សេរី បានបញ្ជាក់ថា ថ្ងៃនេះប្រជាពលរដ្ឋ សិស្សានុសិស្ស អាណាព្យា បាលទាំងអស់មានសំណាង បានទទួលអគារសិក្សាថ្មីចំនួន៨ខ្នងបន្ថែម ពីរដ្ឋាភិបាលជប៉ុន តាមរយៈ JICA ដើម្បីចូលរួមចំណែកអភិវឌ្ឍន៍ វិស័យអប់រំនៅរាជធានីភ្នំពេញ ដែលកំពុង ជួបប្រទះកង្វះខាតបន្ទប់រៀន ស្របពេលនឹងចំនួន សិស្សកើនឡើងជារៀងរាល់ឆ្នាំ ហើយក៏ ដើម្បីឆ្លើយតបទៅនឹងសំណើ របស់មន្ទីរអប់រំ យុវជន និងកីឡារាជធានីភ្នំពេញផងដែរ ។
លោកបន្ដថា អគារសិក្សា ដែលមាន កម្ពស់ចាប់ពី៣ជាន់ ទៅ៥ជាន់ចំនួន៨ខ្នងស្មើនឹង ១៤៥បន្ទប់ និងធ្វើការសាងសង់ នៅសាលាចំនួន៨ ដែលរួមមាន ១-អនុវិទ្យាល័យចំរើនផល ២-វិទ្យាល័យហ៊ុន សែនបុរី១០០ខ្នង ៣-វិទ្យាល័យឫស្សីកែវ ៤-វិទ្យាល័យព្រែកលាប ៥-អនុវិទ្យាល័យអូរបែកក្អម ៦-អនុវិទ្យាល័យទឹកល្អក់ ៧-វិទ្យាល័យ ហ៊ុន សែន ជម្ពូវ័ន និង ៨-អនុវិទ្យាល័យ ហ៊ុន សែន ពោធិចិនតុង ដែលគម្រោងសាង សង់នេះ នឹងចាប់ផ្តើមនៅដំ ណាច់ឆ្នាំ២០១៥នេះ ។
ចាប់តាំងពីឆ្នាំ២០០៥ ដល់ឆ្នាំ២០១០ កន្លងមកនេះ រាជធានីភ្នំពេញបានទទួលហិរញ្ញ ប្បទានឥតសំណង ពីរាជដ្ឋាភិបាលជប៉ុន តាមរយៈ JICA សម្រាប់គម្រោងសាងសង់អគារ សិក្សា ដែលមានកម្ពស់៣ ទៅ៥ជាន់ មានចំនួន១៤ខ្នង ស្មើ៣២០បន្ទប់ ចែកចេញជា៣ដំ ណាក់កាល ។ គម្រោងនេះអនុវត្ដ ដោយភាគីជប៉ុនរួមទាំងការដេញថ្លៃ ដែលប្រព្រឹត្ដទៅ នៅប្រទេសជប៉ុន ៕ ហេង សូរិយា
