ការប្រកួតបាល់ទាត់ពិភពលោកផ្នែកនារី (Women’s World Cup) នៅប្រទេសបារាំងបានឈានដល់វគ្គផ្តាច់ព្រ័ត្រហើយសម្រាប់រាត្រីថ្ងៃទី៦ខែកក្កដាឆ្នាំ២០១៩នេះ អង់គ្លេសប៉ះជាមួយក្រុមខ្លាំងស៊ុយអែតនាវេលាម៉ោង១០យប់ថ្ងៃទី៦ខែកក្កដាម៉ោងនៅកម្ពុជានៅកីឡដ្ឋាន Allianz Riviera នាទីក្រុងNice ក្នុងប្រទេសបារាំង។
នៅក្នុងជំនួបនេះគេមើលឃើញថា អង់គ្លេសជាក្រុមខ្លាំងបានបំបាក់ក្រុមកន័រវេស ៣-០ក្នុងវគ្គ៨ក្រុម​ចុងក្រោយ ប៉ុន្តែបែរជាភ្លាត់ស្នៀតចាត់ក្រុមអាមេរិក២ទល់១ក្នុងវគ្គពាក់កណ្តាលផ្តាត់ព្រ័ត្រ (១/៤ផ្តាច់ព្រ័ត្រ) ទៅវិញ។ចំណែកក្រុមស៊ុយអែត បានបំបាក់ក្រុមជម្រើសជាតិនារីអាល្លឺម៉ង់ក្នុងលទ្ធផល២-១ក្នុងវគ្គ៨ក្រុមដូចគ្នា ប៉ុន្តែភ្លាត់ស្នៀតចាញ់ក្រុមជម្រើសជាតិនារីហុល្លង់១ទល់០ក្នុងម៉ោងបន្ថែមវគ្គ៤ក្រុមចុងក្រោយដូចគ្នា។ ក្រុមទាំង២នេះមានកីឡាការិនី និងសមត្ថភាពប្រហាក់ប្រហែលគ្នាប៉ុន្តែកាលពីវគ្គជម្រុះតាមពូលក្រុមជម្រើសជាតិនារីអង់គ្លេសធ្វើបានល្អដោយចាញ់តែនៅក្នុងវគ្គ៨ក្រុមមួយប្រកួតនេះ ប៉ុណ្ណោះទាល់តែសោះ។ ចំណែកក្រុមស៊ុយអែតវិញក៏ធ្វើបានល្អដែរដោយទិន្នន័យការប្រកួតវគ្គជម្រុះកន្លងទៅចាញ់ ក្រុមអាមេរិកម្តងក្នុងវគ្គជម្រុះតាមពូល និងចាញ់ក្រុមហុល្លង់ក្នុងវគ្គ៨ក្រុម។ ដូច្នេះទិន្នន័យនេះអង់គ្លេស ហាក់ដូចជាមានសង្ឃឹមច្រើនសម្រាប់ជំនួបនៅរាត្រីនេះដោយផ្អែកលើប្រវត្តិជួបគ្នាកន្លងទៅ។ ប៉ុន្តែក្រុមស៊ុយអែតត្រូវបានគេមើលឃើញថា កំពុងតែឡើងជើងនិងយុទ្ធសាស្ត្រលេខល្អដែលអាចយក ឈ្នះក្រុមអង់គ្លេសបាន ។
ដោយឡែកយើងងាកមកមើលទិន្នន័យក្នុងប្រវត្តិបាល់ទាត់ពិភពលោកនារីវិញក្រុមស៊ុយអែតមានប្រវត្តិល្អជាងអង់គ្លេសដោយស៊ុយអែតធ្លាប់ទទួលបានជើងឯករងកាលពីឆ្នាំ២០១៣ ធ្លាប់ទទួលបានចំណាត់ថ្នាក់លេខ៣កាលពីឆ្នាំ១៩៩១ និង២០១១។ ចំណែកក្រុមអង់គ្លេសពុំធ្លាប់បានទទួលចំណាត់ថ្នាក់ល្អក្នុងការប្រកួតបាល់ទាត់ផ្នែកនារីនេះទេ រាប់ចាប់តាំងពីឆ្នាំ១៩៩១មក។
ចាំមើលជំនួបក៏កក្រើកមួយនេះតើក្រុមទាំង២មួយណាជាអ្នកទទួលបានចំណាត់ថ្នាក់លេខ៣ក្នុងឆ្នាំ២០១៩នេះ
ខាងក្រោមនេះគឺព័ត៌មាន និងការវិភាគសម្រាប់ក្រុមទាំង២៖
អង់គ្លេស៖
៥ប្រកួតចុងក្រោយរបស់អង់គ្លេសគឺឈ្នះ៤ប្រកួត និងចាញ់១ប្រកួត។ ៣ប្រកួតចុងក្រោយរបស់ក្រុមជម្រើសជាតិអង់គ្លេសផ្នែកនារីគឺឈ្នះក្រុមកាមេរូន៣-០ក្នុងជំនួបWomen’s World Cup វគ្គ១៦ក្រុម ឈ្នះក្រុមន័រវេស ៣-០ ក្នុងវគ្គ៨ក្រុម និងចាញ់ក្រុមអាមេរិក​២-១ក្នុងវគ្គ៤ក្រុម។
មានសមាសភាពកីឡាការិនីដូចជា៖
អ្នកចាំទី៖Karen Bardsley (Manchester City), Mary Earps (Wolfsburg), Carly Telford (Chelsea)
ខ្សែការពារ៖Millie Bright (Chelsea), Lucy Bronze (Lyon), Rachel Daly (Houston Dash), Alex Greenwood (Manchester United), Steph Houghton (Manchester City), Abbie McManus (Manchester City), Demi Stokes (Manchester City), Leah Williamson (Arsenal).
ខ្សែបម្រើ៖Karen Carney (Chelsea), Jade Moore (Reading), Jill Scott (Manchester City), Lucy Staniforth (Birmingham City), Georgia Stanway (Manchester City), Keira Walsh (Manchester City).
ខ្សែប្រយុទ្ធ៖Toni Duggan (Barcelona), Fran Kirby (Chelsea), Beth Mead (Arsenal), Nikita Parris (Manchester City), Jodie Taylor (Seattle Reign), Ellen White (Birmingham City)។
ស៊ុយអែត៖
៥ប្រកួតចុងក្រោយរបស់ក្រុមស៊ុយអែតគឺឈ្នះ៣ប្រកួត និងចាញ់២ប្រកួត។ ៣ប្រកួតចុងក្រោយរបស់ក្រុមជម្រើសជាតិនារីស៊ុយអែតគឺឈ្នះក្រុមនារីកាណាដា១-០ក្នុងងជំនួបWomen’s World Cup ជម្រុះវគ្គ១៦ក្រុម ឈ្នះក្រុមនារីអុីតាលី២-១ក្នុងវគ្គ៨ក្រុម និងចាញ់ក្រុមហុល្លង់១-០ក្នុងម៉ោងបន្ថែមវគ្គ៤ក្រុម ។
មានសមាសភាពកីឡាការិនីដូចជា៖
អ្នកចាំទី៖ Jennifer Falk, Hedvig Lindahl, Zecira Musovic
ខ្សែការពារ៖Jonna Andersson, Nathalie Bjorn, Magdalena Eriksson, Nilla Fischer, Hanna Glass, Amanda Ilestedt, Linda Sembrant.
ខ្សែបម្រើ៖Anna Anvegard, Kosovare Asllani, Stina Blackstenius, Lina Quick, Julia Roddar, Elin Rubensson, Caroline Seger.
ខ្សែប្រយុទ្ធ៖Sofia Jakobsson, Madelen Janogy, Mimmi Larsson, Fridolina Rolfo, Olivia Schough, Julia Zigiotti-Olme។
ប្រវត្តិជួបគ្នា៧ប្រកួតសម្រាប់គូនេះ
11/11/18England 0 – 2 Sweden
25/01/17England 0 – 0 Sweden
03/08/14England 4 – 0 Sweden
05/07/13Sweden 4 – 1 England
31/08/09Sweden 1 – 1 England
12/02/08England 0 – 2 Sweden
09/02/07England 1 – 1 Sweden
ការទស្សន៍ទាយនិងទស្សនៈផ្សេងៗ៖
ទស្សនៈWDW: ស្មើគ្នា១-១
ទស្សនៈPD: ស៊ុយអែតឈ្នះ១-០
ទស្សនៈAsianB: អង់គ្លេសអាចឈ្នះ៕