ខេត្ដសៀមរាប៖ ក្រុមអ្នកញៀននឹងល្បែងស៊ីសងចំនួន៩នាក់ ត្រូវបានសមត្ថកិច្ចចាប់ឃាត់ខ្លួនមកអបរំ និងដោះលែងនៅថ្ងៃដដែលវិញ ខណៈពួកគេលេងល្បែងស៊ីសង មាន ខ្លាឃ្លោក និងលេងបៀរស៊ីគូថៃ នៅផ្ទះមន្ដ្រីប៉ូលិសម្នាក់ស្ថិតនៅខាងត្បូងផ្សារដើមក្រឡាញ់ ក្រុងសៀមរាប ខេត្ដសៀមរាប ។
ការចាប់ឃាត់ខ្លួនេះធ្វើឡើង នៅម៉ោង៣ និង៣០នាទីល្ងាចថ្ងៃទី២១ ខែធ្នូ ឆ្នាំ២០១៥ ស្ថិតនៅចំណុចផ្ទះមន្ដ្រីនគរបាល ខាងត្បូងផ្សារដើមក្រឡាញ់ ក្រុងសៀមរាប ។
ក្រុមអ្នកញៀនល្បែងស៊ីសងទាំងនោះ មានឈ្មោះ ទី១ ឡេង នាក់ ភេទស្រី អាយុ ២៧ឆ្នាំ នៅភូមិត្រពាំងសេះសង្កាត់គោកចក ទី២ ម៉ា សម្បត្ដិ ភេទស្រី អា៥៧ឆ្នាំ នៅភូមិកណ្សិណត្បូង ទី៣ ឈ្មោះ ឡាត់ រិនដា ភេទស្រី អាយុ ៣៥ឆ្នាំ នៅភូមិត្រពាំងសេះ សង្កាត់គោកចក ពួកគេលេងល្បែងខ្លាឃ្លោក ។ ចំណែក ៦នាក់ទៀត ទី១ឈ្មោះ វ៉ា ដេត ភេទប្រុស អាយុ៣៦ឆ្នាំ ទី២ ឈ្មោះ ស៊ិន លី ភេទស្រី អាយុ ៣៥ឆ្នាំ នៅភូមិត្រពាំងសេះ ទី៣ ឈ្មោះ ចាន់ ចំរើន ភេទស្រី អាយុ ២៥ឆ្នាំ រស់នៅភូមិគោកចាន់ ទី៤ លី អាវី ភេទស្រី អាយុ២៧ឆ្នាំ ទី៥ ឈ្មោះ ម៉ៅ ប៉ុណ្ណារី អាយុ ២៧ឆ្នាំ ភេទស្រី ទី៦ឈ្មោះ ព្រិន សារៀន ភេទស្រី អាយុ ៤៨ឆ្នាំ ពួកគេទាំងបីនាក់រស់នៅភូមិត្រពាំងសេះ សង្កាត់គោកចក ក្រុងសៀមរាប អ្នកលេងល្បែស៊ីគរថៃ ។
ទោះជាយ៉ាងណា ផ្ទះបនល្បែងស៊ីខាងជាមន្ដ្រីនគរបាលនោះ មិនត្រូវសមត្ថកិច្ចប្រាប់អត្ដសញ្ញាណនោះទេ។ ប្រភពព័ត៌មានពីសមត្ថកិច្ច បានឲ្យដឹងថា ចំណែកក្រុមអ្នកលេងល្បែងស៊ីសងទាំង៩នាក់នោះ ត្រូវបានសមត្ថកិច្ចនគរបាលកម្រិតស្រាលនៃស្នងការនគរបាលខេត្ដសៀមរាបហៅមកអប់រំ និងដោះលែងវិញ ៕
ដោយ៖ ជានិរន្ដរ៍
