ភ្នំពេញ៖ បុរសជាកម្មករសំណង់ម្នាក់បានខ្យល់គស្លាប់ក្នុងកញ្ចុះនៅក្នុងការដ្ឋានសំណង់ បន្ទាប់ពីសំរាកពីការងារហូបបាយរួចទៅអង្គុយលេង បង្កអោយមានការភ្ញាក់ផ្អើលដល់មិត្តភ័ក្ក្រដែលធ្វើការជាមួយគ្នាជួយសង្គ្រោះកាលពីវេលាម៉ោង៧យប់ថ្ងៃទី២១ ខែធ្នូ ឆ្នាំ២០១៥ នៅជិតវត្តវិហាខួន ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។
សមត្ថកិច្ចបានអោយដឹងថា ជនរងគ្រោះមានឈ្មោះកែ សារឿន ភេទប្រុស អាយុ៣៧ឆ្នាំ មុខរបរជាកម្មករសំណង់ស្នាក់នៅកន្លែងកើតហេតុខាងលើ មានស្រុកកំណើតភូមិត្រពាំងក្រពើ ឃុំទឹកហូត ស្រុករលាប្អៀរ ខេត្តកំពង់ឆ្នាំង មានប្រពន្ធឈ្មោះថោង សារ៉ាន់ អាយុ៣៥ឆ្នាំ មានកូន៤នាក់ ប្រុស៣ ស្រី១ក្នុងបន្ទុក ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុជនរងគ្រោះនិងក្រុមការងារបាននាំគ្នាហូបបាយជុំគ្នា បន្ទាប់ហូបបាយរូចជនរងគ្រោះបានដើរទៅអង្គុយលេងនៅកញ្ចុះមួយកន្លែងដែលនៅក្នុងការដ្ឋានសំណង់នោះ ។ មួយសន្ទុះក្រោយមកស្រាប់តែលឺសំលេងឆ្កែព្រូសភ្លាមនោះមិត្តភក្តិ និងក្រុមការងារក៏នាំគ្នាទៅមើលឃើញជនរងគ្រោះកំពុងត្រដខ្យល់ទើបនាំគ្នាជួយសង្គ្រោះបឋមតែដោយអកុសល់ជនរងគ្រោះក៏បានស្លាប់តែម្តង ។
បើតាមសាច់ញាត់ជនរងគ្រោះបានអោយដឹងថា ជនរងគ្រោះមានជម្ងឺថ្លើមប្រចាំកាយ ហើយនៅថ្ងៃកើតហេតុរូបគេធ្វើការតែកន្លះថ្ងៃតែប៉ុណ្ណោះ ។
ក្រោយពេលកើតហេតុសមត្ថកិច្ចមួលដ្ឋានបានចុះទៅដល់ចំណុចកើតហេតុ និងកម្លាំងជំនាញពិនិត្យនិងធ្វើការកោសល្យវិច័យឃើញថាជនរងគ្រោះបានស្លាប់ ដោយសារខ្យល់គពិតប្រាដកមែន ទើបប្រគល់សពអោយបងប្អូនដឹកតាមរថយន្តទៅធ្វើបុណ្យតាមប្រពៃណីនៅឯស្រុកកំណើត ៕
ដោយ៖ សុខាសែនជ័យ
...
