ភ្នំពេញ៖ កីឡាករ វ៉ាន់ ចាន់រ័ត្ននិងកីឡាករ លី សុតុល្យ បានក្លាយជាវីរបុរស របស់ក្រុមយុវជនវ៉ិចតូរីអេហ្វស៊ី ក្រោយពីពួកគេយកឈ្នះក្រុមយុវជន ក-១២ ក្នុងលទ្ធផល២-០ វគ្គពាកកណ្តាលផ្តាច់ព្រ័ត្រ ដូច្នេះក្រុមយុវជន វ៉ិចតូរីអេហ្វស៊ីបានកក់កៅអីវគ្គផ្តាច់ព្រ័ត្រនៃពានរង្វាន់ Soccer League 2015លើកទី៣ កាលពីរសៀលថ្ងៃ ទី២១ខែធ្នូ ឆ្នាំ២០១៥ នៅទីលានបាល់ទាត់ពហុកីឡដ្ឋានជាតិ ដែលរៀបចំដោយ សហភាពសហព័ន្ធយុវជន កម្ពុជា និងសហព័ន្ធកីឡាបាល់ទាត់កម្ពុជា។
យុវជនវ៉ាន់ ចាន់រ័ត្នពាកអាវលេខ៧ ធ្វើបានយ៉ាងល្អដោយការទាត់បាល់បំប៉ោងសំណាញ់ទី ក្រុមយុវ ជនក-១២ចាប់តាំងពី៤នាទីដំបូងនៃតង់ទី១ ក្នុងជំនួបប្រកួតវគ្គពាកកណ្តាលផ្តាច់ព្រ័ត្រ។ គ្រាប់បាល់របស់កីឡាករ វ៉ាន់ ចាន់រ័ត្ន ធ្វើឲ្យក្រុមយុវជនក-១២ បានព្យាយាមសម្រុកជា ខ្លាំងដើម្បីស្វែងរកគ្រាប់បាល់តាមស្មើ ក្រុម យុវជនវ៉ិចតូរីអេហ្វស៊ីវិញតែធ្វើមិនបានសម្រេចទេ បើទោះបីមានឱកាសទាត់បាល់បំប៉ោងសំណាញ់ទី ក្រុមវ៉ិចតូ រីអេហ្វស៊ីខ្លះក៏ដោយ ពីព្រោះបាល់ហោះទៅប៉ះបង្គោលហ្វូតូ ដូច្នេះលទ្ធផល១-០ បានរក្សា រហូតដល់ចប់ការប្រកួតតង់ទី១ ។
ចំពោះសកម្មភាពប្រកួតនៅក្នុងតង់ទី២វិញ ក្រុមយុវជនក-១២ នៅតែព្យាយាមដាក់សម្ពាធទៅក្រុម យុវជនវ៉ិចតូរីអេហ្វស៊ីក្នុងគោលបំណងរកគ្រាប់តាមស្មើ ប៉ុន្តែគ្មានឱកាសដដែល ដោយរនាំងការពារ របស់ក្រុ មយុវជនវ៉ិចតូរីអេហ្វស៊ីរឹងមាំ ពិបាកទម្លុះ ផ្ទុយទៅវិញ ក្រុមយុវជនវ៉ិចតូរីអេហ្វស៊ី ឆក់បានបាល់ពីជើងកីឡាករ ក្រុមយុវជនក-១២ ភ្លាមក៏បញ្ជូនបាល់ឡើងទៅលើ ចំពេលដែលកីឡាករ ពាក់អាវលេខ១១ទៅដល់ល្មម ក៏ប្រើក្បាល់តែតបញ្ចូលទីក្រុមយុវជនក-១២ បានសម្រេច១គ្រាប់ទៀតនៅ នាទី៤៦ដើមតង់ទី២ ធ្វើឲ្យក្រុមវ៉ិចតូរីអេហ្វស៊ីនាំមុខក្រុមយុវជនក-១២បណ្តោះអាសន្ន២-០។
លទ្ធផល២-០នេះបានរក្សារហូតដល់ចប់ការប្រកួតទាំងស្រុង បើទោះបី ក្រុមយុវជនក-១២ ខិតខំ បន្ថែម ការវាយសម្រុកខ្លាំងយ៉ាងណាក៏មិនអាចរកគ្រាប់បាល់បានដែរ ក្រោយពីអាជ្ញាកណ្តាលផ្លុំកញ្ចែ បញ្ចប់ការប្រកួតជាផ្លូវការដោយក្រុមយុវជនវ៉ិចតូរីអេហ្វស៊ី ឈ្នះក្រុមយុវជនក-១២ វគ្គពាកកណ្តាល ផ្តាច់ព្រ័ត្រ២-០ ធ្វើក្រុមវ៉ិចតូរីអេហ្វស៊ី កក់កៅអីវគ្គផ្តាច់ព្រ័ត្រ រីឯក្រុមយុវជនក-១២ ត្រូវធ្លាក់ទៅប្រកួតយក តំណែងលេខ៣នៃពានរង្វាន់ Soccer League 2015 ដោយនៅរង់ចាំអ៊ុតលទ្ធផល២ក្រុមទៀត ដែលប្រកួតនៅរសៀល ថ្ងៃទី២២ខែធ្នូ ឆ្នាំ២០១៥ ទើបដឹងថា ក្រុមណាឡើងទៅជួបជាមួយក្រុមយុវជនវ៉ិចតូរីអេហ្វស៊ីវគ្គផ្តាច់ព្រ័ត្រ៕
ដោយ៖ សារីម
