ភ្នំពេញ៖ យុវជនម្នាក់ជិះម៉ូតូម៉ាកNEXមួយគ្រឿងទៅបុកពីក្រោយរថយនឡិចសុីសមួយគ្រឿងពេញទំហឹងបណ្តាលឲ្យរងរបួសធ្ងន់ ។
បង្កឲ្យមានការភ្ញាក់ផ្អើលកាលពីវេលាម៉ោង៦ និង១០នាទីព្រឹកថ្ងៃទី២៣ ខែធ្នូ ឆ្នាំ២០១៥តាមបណ្តោយផ្លូវព្រះមុនីវង្ស ស្ថិតនៅសង្កាត់បឹងកេងកងទី៣ ខណ្ឌចំការមន រាជធានីភ្នពេញ ។
តាមប្រភពពត៌មានពីកន្លែងកើតហេតុបានឱ្យដឹងថា មុនពេលកើតហេតុ រថយន្តឡិចសុីស១គ្រឿង ពណ៌ខ្មៅ ពាក់ស្លាកលេខភ្នំពេញ2N-7281បើកតាមបណ្តោយផ្លូវព្រះមុនីវង្សក្នុងទិសដៅពីជើងទៅត្បូងដែលឈប់រង់ចាំភ្លើងស្តុបនៅចំណុចស្តុបបូកគោ ខណៈពេលដល់ស្រាប់តែមានយុវជនម្នាក់ជិះម៉ូតូ១គ្រឿងម៉ាកNEX ពណ៌ស ពាក់ស្លាកលេខភ្នំពេញ1FE-5660 មកបុកពីក្រោយពេញទំហឹងបណ្តាលឲ្យយុវជនដែលជាម្ចាស់ម៉ូតូបោកដួលរងរបួសធ្ងន់ធ្ងរ ។
ក្រោយពេលកើតហេតុ សមត្ថកិច្ចបានចុះអន្តរាគមន៍ និងទំនាក់ទំនងទៅរថយន្តសាមុយមកដឹកយកជនរងគ្រោះទៅសង្គ្រោះនៅមន្ទីរពេទ្យ ចំណែកម៉ូតូ និងរថយន្តខាងលើត្រូវបានសមត្ថកិច្ចវាស់វែងយកទៅរក្សាទុកនៅនគរបាលចរាចរណ៍រាជធានីភ្នំពេញ រង់ចាំដោះស្រាយគ្នាទៅតាមផ្លូវច្បាប់ ៕
...
ដោយ៖ ស រស្មី
